Itok, Ļoor Eō: Bok in Mormon
Ta Meļeļein n̄an Bōk Etan Kraist eo ej Jeje ilo Buruwōd?
Eprōļ 20–26 Mosaia 4–6
Ilo Bok in Mormon, armej kar ān̄in̄n̄in̄ er kōn elōn̄ et ko—RiNipai, RiLaman, im RiAntai-Nipai-Liai raar jejjo iaan et ko. Ak Kiin̄ Benjamin ekar kōņaan bwe ren an̄in̄n̄in̄ armej ro an kōn et ko reutiejļo̧k, im rekwojarjarļo̧k—etan Jisōs Kraist.
En̄in ej wāween ad maron̄ kōjparok etan Rilo̧mo̧o̧r “jeje iien otemjej ilo būruōmi” (Mosaia 5:12):
Bujen kōn Peptaij
Ilo iien peptaij, jej bujen ippān Anij n̄an bōk iood etan Kraist. Ta meļeļe ilo am̧ ļōmņake? (Lale Mosaia 18:8–9.)
Bōk Kwojkwoj eo
Em̧ōj kakien kōj n̄an bōk kwojkwoj eo ilo erreo aolep wiik. Ilo iien kwojkwoj eo, jej bar kallim̧ur n̄an bujen eo ad n̄an bōk iood etan Jisōs Kraist (lale Moronai 4:3).
Kōm̧m̧an āinwōt juon Rikaļoor an Kraist
Bujen ko ad ej aikuj kōj n̄an kōjparok kien ko. Kōm̧m̧an ko ad rej aikuj kallikar ikdeleel ko ad n̄an ļoor Kraist im erom̧ āinwōt E. Ilo ad kōm̧m̧ane menin, jemaron̄ wōnm̧aanļo̧k wōt n̄an an̄in̄n̄in̄ kōj kōn Etan. En̄in ej wāween ad keememej etan Kraist eo ej jeje ilo buruwōd (lale Mosaia 5:12).