Rūm̧m̧an Ded ro
Jemaron̄ Kajeeded Meram in Gospel in
Pija jān Weston C. Colton
Em̧m̧an ded ej juon iien n̄an eddōkļo̧k, iien bōk eddo, im juon iien n̄an jino kalōk mour eo am̧. Im bwe emaron̄ in eddodo, kam̧ōņōņō, im kamijak ilo ejja iien in wōt (em̧ool ekar bar āndein n̄an kōj).
Bōtaab kōn ad jab jeļā uwaak ko kōn aolep kajjitōk ko an mour in, ewōr wōt juon men jej lukkuun jeļā kake—bwe rūm̧m̧an ded ro ewōr aolep iien juon kipeļ eddo ilo Jepļaaktok in Kabun̄ eo an Jisōs Kraist.
Ilo karōk in jekjen eo an allōn̄ in, kōm̧ eaar kōnono ippān elōn̄ rūm̧m̧an ded ro kōn aer bōk kuņaer ilo aiintok Israel. Im kōm̧ eaar lukkuun ettā kōn iakwe eo aer im wujļepļo̧k n̄an gospel in an Jisōs Kraist. Jekdo̧o̧n jekjek ko aer, rūm̧m̧an ded rein Rikwojarjar remeļeļe eddo eo aer eaorōk ilo epepen in āliktata. Ilon “Ewi wāween an Rūm̧m̧an ded ro Kōm̧m̧an juon Oktak ilo Jepļaaktok In” ilo peij 44, komaron̄ riit kōn wāween an rūm̧m̧an ded ro jān India, Hungary, Barbados, Australia, im ilo United States rej kōpooj laļ in n̄an Itok eo Kein Karuo an Rilo̧mo̧o̧r.
Ilo ennaan ko wōt ilo digital, Cesar eaar kwaļo̧k ļōmņak kōn wāween ad maron̄ lo jibadbad eo ad im erom̧ ritōl ro rem̧m̧an ļo̧k. Lauri ej kōnono kōn kōjeraam̧m̧an ko jej buki n̄e jej ļoor kapilōk eo an rikanaan eo. Rūm̧m̧an ded ro rej kwaļo̧k en̄jake ko aer kōn jerbal in tampeļ, jerbal in karejar, menmenbwij an baam̧le, im jerbal in mijenede. Ilo ad kwaļo̧k juon waanjon̄ok jān juon rūm̧m̧an lo New Caledonia me ej kwaļo̧k kilen an membōr ro rūm̧m̧an ded kōm̧m̧ane jerbal in an Irooj ilo jikin ko reddik ilo Kabun̄ in.
Jekdo̧o̧n ijo kwoj pād ie im jekdo̧o̧n jekjek rōt ko am̧, kwomaron̄ kōm̧m̧an eļapļo̧k oktak ilo aiintok Israel jen am̧ ļōmņak. Āinwōt rūm̧m̧an ded ro, jej ritōl ro an Kabun̄ in ilju im jeklaj. Im ijjino in kijejeto ko ad rainin enaaj uruur im kajeeded meram in gospel in ilo aolepen laļ in ilju.
Ilo kautiej,
Chakell Wardleigh im Mindy Selu
Māākjiin ko an Kabun̄ rijeje ro an jākjen eo an rūm̧man ded ro