Juon Kōjeraam̧m̧an Ekar Men eo De eo Imaron̄ Leļo̧k
Jonathan Mafra Sena de Santana
Santa Catarina, Brazil
Kōmeļeļe jān Allen Garns
Ikar kadedeļo̧k jikuuļ in law iturinļo̧k raan in keemem eo m̧oktata an leddik eo nejū. Lio pāleeō im n̄a kar reim̧aanļo̧k n̄an m̧ōņōņō kōn kadiwōjļo̧k eo aō, raan in keemem eo an leddik eo nejim, im iien ko rem̧m̧an rekāāl me renaaj kar itok n̄an kōm, bōtaab ejjeļo̧k jabdewōt kar waļo̧k āinwōt am kar Kōtmene.
Iaar lo an ejjeļo̧k aō jerbal ejjab to ālkin kar kadedeļo̧k degree eo aō im ekar pen kappok jerbal. Ejjab to, apan̄ ko ikkijen jāān raar waļo̧k. Kōm̧m̧an juon keemem n̄an kam̧m̧oolol eļam waan ekar pen.
Ālkin elōn̄ iien bwebwenato ko ippān lio pāleeō, kōm kar bōk jekjek eo am. Ekar jab pidodo n̄an n̄a āinwōt juon jemān n̄an bōk maron̄ eo n̄an wia jekdo̧o̧n juon menin leļo̧k eļem waan n̄an leddik eo nejū im lo an lio pāleeō ejitōn bōro en̄jake rup bōro.
Iaar jab meļeļe ta eo ekar waļo̧k. Iaar jar im kar kajjitōk ippān Jemedwōj Ilan̄ n̄an jipan̄ eō meļeļe ta kar kōtmene eo An kōn n̄a. Ejjab to, āinwōt eļan̄n̄e juon ainikien ekar ekōnono n̄an ļōmņak eo aō, iaar ron̄ naan kein: “Ewōr ippam̧ juon men eo eļapļo̧k an aorōk jān jabdewōt m̧weiuk ko bōke ioon laļ in. Kwoj kabwijer priesthood eo. Ta menin leļo̧k eo em̧m̧anļo̧k komaron̄ leļo̧k n̄an leddik eo nejūm̧ jān juon kōjeraam̧m̧an an priesthood?
Dān in kōmejaaļaļ ko raar kobrak meja ke iaar ļōmņak kōn ta meļeļe in priesthood eo n̄an n̄a. Būruō ekar obrak kōn kam̧m̧oolol ke iaar ļōmņak bwe priesthood eo ej kajoor eo me maron̄ kobaik baam̧le eo aō n̄an indeeo.
Iaar kwaļo̧k en̄jake ko aō ippān lio pāleeō. Iaar jiron̄ e bwe leļo̧k juon kōjeraam̧m̧an n̄an leddik eo nejim ekar aolep eo imaron̄ leļo̧k. Kōmro jim̧or kar jokāālet bwe menin enaaj kar bōktok lem̧ōņōņō im aenōm̧m̧an n̄an e, im bwe enaaj kar bwe.
Ilo raan in keemem eo an leddik eo nejim, ro jeram, ro nukum, im ro rūturirm raar bōktok juon keek im kainōknōk ko reļem waan. Kōm kar kam̧m̧oolol n̄an kam̧ōņōņōik raan in aorōk ippān ro kōmij iakwe er. Bon̄ōn jab eo, iaar likūt peiū ioon bōran leddik eo nejū im kar leļo̧k n̄an e juon kōjeraam̧m̧an. Iaar kōjeraam̧m̧an e kōn aolep men me Jetōb eo an Irooj ekar im̧we eō n̄an ba.
Kōmij ioon wōt juon tōre in oktak ko im apan̄ ko rejelet ejjeļo̧k jerbal im jāān. Bōtaab jekdo̧o̧n ilo ioļapļap in būrom̧ōj im dikāāļeļ, aenōm̧m̧an im kaenōm̧m̧an rej itok n̄an kōm kōn am Rilo̧mo̧o̧r, Jisōs Kraist. Ejjeļo̧k aō pere bwe erom juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata n̄an bōk kajoor eo an priesthood eo ej juon kōjeraam̧m̧an. Ekar ede eo imaron̄ kar leļo̧k n̄an leddik eo nejū ilo raan in keemem eo an, im ekar ļapļo̧k jān bwe.