Toʻu Tupú
Faitā ‘a Bruno Lima
Naʻá ku tomuʻa fakakaukau ʻe faingataʻa e seminelí. Naʻe pau ke u hiki ki ha ʻapiako ʻe taha, pea naʻe fakahoko pongipongia e seminelí. Naʻe ʻikai te u fakakaukau ʻe ngāue he naʻe lahi ʻeku ngāue fakaako ke fai mei ʻapí pea mo ha ngaahi meʻa kehe.
Ka ʻi heʻeku kamata ʻalu ki he seminelí, ne ʻatā pē hoku taimí. Ko e taimi ní ʻoku ou maʻu pē ha taimi feʻunga ki heʻeku ngāue fakaako mei ʻapí. Pea ʻoku ou fiefia maʻu pē ʻi he ʻaho hono hokó ke u tuʻu ʻo foki ki he seminelí. Naʻá ku fetokoniʻaki mo hoku ngaahi kaungāmeʻá pea mau ako lahi lolotonga ʻemau ʻi aí.
Ne hangē ʻa e fiefia ne u ongoʻi ʻi he seminelí ko e fiefia ʻoku ou ongoʻi ʻi heʻeku ʻi he temipalé. Kimuʻa peá u taʻu 11, naʻe ʻosi ʻalu hoku ngaahi tokouá, tuongaʻané mo e kaungāmeʻá ki he temipalé ka naʻe teʻeki ke u ʻalu.
‘I he faifai peá u matuʻotuʻa feʻunga ke u hū ki loto pea fakahoko e papitaisó, ne u ongoʻi ha nonga lahi ʻaupito. Neongo naʻe fakamatalaʻi mai ʻe hoku fāmilí mo e kaungāmeʻá ʻa e ongo ʻo e ʻi he temipalé, ka naʻá ku fiefia lahi ne u lava ʻo ongoʻi tonu ia.
Sofia D., taʻu 14, Kolomupia