Itulau i le lotoifale
O Le a le Mea e Sili ona Taua i Lou Olaga?
O Tamaitia Vui e lei leva nei ona foi mai i lona aiga i Samoa i le mavae ai o le faamaeaina ma le manuia o le 18 masina o le galuega faafaifeautalai mo Le Ekalesia a Iesu Keriso o le Au Paia o Aso e Gata Ai i le Misiona a Ueligitone Niu Sila.
Sa ia faamatalaina se tala malie ma musuia mai lana misiona, e uiga i le mea na tupu ina ua valaauliana e faifeautalai ni tagata i Ueligitone e tali le fesili: “O le a le mea e sili ona taua i lou olaga?”
“O lea na matou o atu ai ma se laupapa paepae telē lava,” fai mai ai Tamaitia, “ma sa matou tusia ai le fesili, ‘O le a le mea e sili ona taua i lou olaga?’ Sa manaia lava.
“Ou te manatu o le tali sa sili ona taatele o le, ‘O lo’u aiga’. Po o ulugalii sa le’i faaipoipo ae sa latou o mai ma tusi [le igoa o] le tasi ma le isi sa taua, ma na matou manatu sa matagofie lena mea.
E manatua e Tamaitia sa i ai se ulugalii matua na afe atu. O le tane o se tusiata, lea na tusia se ata o lona toalua i luga o le laupapa paepae, ma faamatala mai o [lona toalua] le tagata sili ona taua i lona olaga.
“Ou te matea sa aoaoina i matou i le taua o le aoaoina o tagata e uiga i le auala e mafai ona faatasia ai aiga e faavavau,” na fai mai ai Tamaitia, “ona e oo lava i tagata e le o ni tagata o le ekalesia e iloaina o aiga o le nofoaga lea tatou te maua mai ai le tele o lo tatou fiafia.”
Sa faamautu mai e Peresitene M. Russell Ballard lena manatu ina ua ia saunoa, “O le mea moni, e leai se mea e sili atu ona taua lona fesootai i le fiafia—lo tatou lava ia [fiafia] ma le [fiafia] o a tatou fanau—nai lo le lelei tatou te alolofa ai ma lagolagoina le tasi ma le isi i totonu o le aiga.”