I Luga o Eleele Paia
O le tausaga lenei tatou te faamanatuina ai le 200 tausaga o le Uluai Faaaliga a Iosefa Samita. Na amatalia ai le Toefuataiga o le talalelei a Iesu Keriso i le Togavao Paia matagofie. O lena mea faavavega na tupu na suia ai le ala o le talafaasolopito, e aofia ai o tatou olaga uma. Ae o le mea e sili ona taua ia te au, ua avea o se mea patino ma suia ai olaga.
O le auauna ai ma lo’u toalua i le Misiona a Niu Ioka/Penisilevania mo Nofoaga o Talafaasolopito, sa ou faaaluina ai se taimi tele i le savalia o lena eleele paia. I le faatoaga a le aiga o Samita i Palamaira, Niu Ioka, sa ou maua ai le avanoa e avatu ai ni maimoaga faataamilo a tagata asiasi mai le salafa o le lalolagi ma mai tulaga eseese uma o le olaga.
E mafai ona tatou aoao uma mai i faataitaiga a le aiga o Samita ma isi uluai tagata o le Ekalesia. O le Uluai Faaaliga a Iosefa Samita, ua aoaoina ai i tatou i le auala e maua ai faaaliga, e pei ona faamalamalama mai e Peresitene Eyring i le itulau e 12. Ua molimau mai isi pulega aoao e uiga i le moni a’ia’i o lena faaaliga i le itulau e 18.
O la’u tatalo faatauvaa, a o tatou faamanatuina le 200 tausaga talu mai le Uluai Faaaliga, talosia ia tatou manatunatu i faamanuiaga uma ua tatou mauaina o se vaega o lenei Toefuataiga faifai pea o le talalelei a Iesu Keriso.
Sister Karen Russon Neff