2019
Jar ippān Filip
Juļae 2019


Jar ippān Filip

Rijeje eo ej jokwe ilo California, USA.

Ta meļeļe in n̄an “ba kam̧m̧oolol”?

“Jar iien otemjej” (Katak im Bujen ko 19:38).

Pija

Eaar iien eo kein kajuon an Josef ilo im̧ōn Filip. Eaar wōr juon aer iien em̧m̧an kalōk juon waan mejatoto kōn bo̧o̧k. Em̧ool raar kōļare kijeek ko raiboojoj ioon. Ke jinen Filip eaar kūrļo̧k er n̄an kōjota, Josef eaar ļoorlo̧k Filip n̄an jikin m̧ōn̄ā eo.

“Inaaj kam̧m̧oolol,” jemen Filip eaar ba.

Ta meļeļe in men jab in?” Josef eaar ļōmņak. Eaar lale an Filip im baam̧le eo an ilo aer kar jibwe demāeer, innam ioļapļap in ubweer, innām tuanmiin̄, innām tuanmooņ. Josef ejjan̄in kar lo an juon kōm̧m̧ane menin m̧okta.

Filip eaar kwaļo̧k pein. Josef eaar reitok reitak im lo bwe aolepān baam̧le eo an Filip raar jibwe pein doon im jillo̧k. Rejke tin jar? Ej ke meļeļe in n̄an “ba kam̧m̧oolol ke”? Josef eaar ļōmņak.

Josef eaar jab kōņaan kōmetak en̄jake ko an Filip, kōn menin eaar jibwe pein Filip. Jemen Filio eaar bōk pā eo juon pein Josef innān kar jino jar.

“Kōjeraam̧m̧an kōj, O Irooj …”

M̧okta jān aer kar jijet, Filip im baam̧le eo an raar jibwe demeer im ubweer ilo aer kar kōm̧m̧an m̧oktaļo̧k.

Ke Josef eaar tōpar m̧weo, Jinen eaar kajjitōk ejet raan eo an?

“Kwar ke limo?” Jinen eaar kajjitōk.

“Aaet,” Josef ekar mera an ba. E eaar limo. Waan mejatoto eo eaar em̧m̧an, im am̧bōkōr ko raar kaijoļjoļ. Bōtaab juon men eaar kabūņōņōik eō.

Jinen eaar kanooj kalimjōke. “Kwojjab m̧ōņōņō. Ewōr men eņ ejorrāān ke?”

“Ekwe …”

Josef eaar kanooj lōn̄ an kajjitōk ko! Eļakkar ļōmņak wōt kōn jar jab eo. Etke eaar oktak jān wāween an im baam̧le eo an kar jar?

“M̧am̧a,” eaar kajjitōk, “ekōjkan am̧ kar jar m̧okta jān am̧ kar kobatok ilo Kabun̄ in?” Josef eaar jiron̄ e kōn an baam̧le eo an Filip jar.

“Āinwōt rej Katilik, āinwōt kar n̄a,” jinen eaar ba. “Raar kōm̧m̧an kakōļļe an debwāāl eo kōn peier. Lale an āinwōt juon debwāāl? Ej juon kakeememej bwe Jisōs eaar mej kōn kōj.”

Josef eaar ettōn̄. “Kōn menin Filip ej tōmak ilo Jisōs barāinwōt?”

“Ejim̧we,” Jinen eaar ba. “Kwoj ke keememej ta eo jemen Filip eaar ba ilo jar eo?”

Josef eaar aikuj in kar ļōmņak kake. “Eaar kam̧m̧oolol Anij kōn menin letok ko Ej litok n̄an kōj … im eaar kōnono kōn Kraist!”

“Lale?” Jinen eaar ba kōn juon ettōn̄ dikdik. “Jejjab kanooj in oktak. Ij m̧ōņōņō kwar maron̄ jar ippān baam̧le eo an Filip.”

Jet raan tok ālik, Filip eaar itok n̄an ikkure. Raar ikkure inam̧ōj ke Jemen eaar kūrļo̧k er n̄an kōjota. Lo̧jien Jsoef eaar jan̄ ke raar ettōrļo̧k n̄an jikin m̧ōn̄ā eo.

“Ikwōle!” Josef eaar ba.

“Bar n̄a,” Filip eaar ba.

Aolep raar bōk jikier itōrerein tebōļ eo. Filip eaar jijet turin Josef. Filip eaar kōm̧m̧an kakōļļe in debwāāl im etto̧ļļo̧k n̄an pein Josef.

“En̄in ej wāween am jar ilo m̧win m̧ōm̧,” Josef eaar ba. “Kōmij bokpā, kiil mejām, jillo̧k, im jar.”

“Ede in?”

“Ede in.”

“Epidodo,” Filip eaar ba.

Josef eaar kiil mejān im kar ettōn̄. Eaar m̧ōņōņō bwe emaron̄ kar jar ippān eo m̧ōttan.

Ewōr ro m̧ōtta ilo jikuuļ me rej Katlik im Muslim, im kōmij aolep m̧ōttā kōnke ej wāween eo Jisōs ekōņaan bwe jen kōm̧m̧an n̄an doon.

Elizibeth A., 8 iiō dettan, West Midlands, England