2019
Ekōjkan Ad Maron̄ Rejtake Ritōl ro Ad?
Juļae 2019


Ekōjkan Ad Maron̄ Rejtake Ritōl ro Ad?

Pija
family watching conference and sustaining leaders

Ilo raan ko rekabūrom̧ōjm̧ōj ālkin an kijeek eo kakkure aolepān jikin ko ilo Sonoma County California ilo Oktaba 2017, Elder Ronald A. Rasband jān Doulul eo an Jon̄oulruo Rijilōk ro kar ilo̧k n̄an jukjukin pād ko raar ļanootot n̄an pād ippān Armej ro Rekwojarjar ilo Raan-ko Āliktata.

Eaar pād ilo juon mijen in jerbal in karejar. E im Sister Melanie Rasband kar kaenōm̧m̧an membōr ro raar en̄taan itok jān kijeek eo ilo im̧ōn kweilo̧k ko aer im ilo tōrerein im̧ōko im̧wer raar bwil.

Im jabdewōt jikin eaar ilo̧k ie ļo̧k, membōr ro raar jibadōkļo̧k n̄an idik pein. Eaar juon kakōļļe in kam̧m̧oolol. Raar kam̧m̧oolol Rijilōk eo kōn rie eo an. Bōtaab kajjojo idik pā ko eaar kwaļo̧k ejja ennaan wōt: “Ij rejtake eok.”

Juon Jerbal an Tōmak

Rejtak ej juon m̧akūtkūt ekwojarjar me ej kakkejel ro uwaan Kabun̄ in ritōl ro an Kabun̄ in, Elder Gary E. Stevenson ej ba. Kōnke elōn̄ļo̧k jān 16 milien ro uwaan Kabun̄ eo an Jisōs Kraist im Armej ro Rekwojarjar ilo Raan-ko Āliktata, Ilo keidi jet wōt ro uwaan Kabun̄ in renaaj kōnono jelm̧ae doon ippān juon Rijilōk idik pein juon Rijilōk. Bōtaab aolep membōr ewōr aer iien em̧m̧an n̄an kōm̧m̧an juon ekkejel an juon make ippān rein im ritōl ro jet an Kabun̄ in kōn bout in rejtak eo ekkā im m̧akūtkūt in rejtak ko raan otemjej, Būreejtōn M. Russell Ballard ej ba, Acting Būreejtōn eo an Doulul eo an Jon̄oulruo ro.

“Jej rejtak kōn ad kotak peid bōtaab barāinwōt kōn būruwōd im m̧akūtkūt ko ad,” Elder Gerrit W. Gong ej ba. “Jej rejtak ritōl ro an Kabun̄ in ilo ejja wāween eo wōt jej rejtake doon. Jejeļā jej popo kōn bujen.”

Jar kōn Rijilōk ro ej wōt m̧ōttan eo eaorōk an rejtak, Elder Ulisses Soares ej ba. “Jej armej ro rejjab oktak, im Irooj eaar kūr kōj n̄an juon men ilōn̄ in maron̄ eo am. Bōtaab kōmij en̄jake kōm maron kadedeļo̧k jerbal ko kōnke armej ro rej jar kōn kōm.”

Tōmak ej itok m̧okta im ālkintok rejtak, Elder Soares ej ba. “Jān rejtake Rijilōk ro, kwoj jipan̄ Rilo̧mo̧o̧r eo kōtōprak jerbal eo An. Tōmak eo am̧ ej jipan̄ Irooj kōtōprak ta eo kōnono kake kōn Rikanaan ro An im ribōk revelesōn ro.”

“Ij iakwe pija in an armej ro kotak peier im meļeļe eo an,” Elder Jeffrey R. Holland ej ba. N̄ān Rijilōk ro, kōn rejtak jān ro uwaan Kabun̄ in ej āinļo̧k wōt bōk m̧ōn̄ā in mour in jetōb, ej kakobaba. “Aolep ļōmņak an armej rej ron̄jaki im aolep armej ro rej kōņaan jerbal naaj kōtļo̧k. Ejjeļo̧k juon ej aikuj jerbal makeļo̧k ilo Kabun̄ in, jekdo̧o̧n ta kūr eo am̧.”

Juon Iminene eo Eto an Pād

Rejtake Rijilōk ro ej juon iminene ilo raan-ko āliktata me kar kōm̧m̧an ilo iien eo Jepļaaktok eo an gospel eo an Jisōs Kraist. Jān raan eo kein kajuon, Armej ro Rekwōjarjar im̧aan tata kar kūr er n̄an errā n̄an kūr eo an ritōl ro an Kabun̄ in im n̄an rejtake er ilo kūr jab eo.

Ilo Eprōļ 6, 1830 eo, Josep Smith im rikaļoor ro an rej kab peptaij raar koba ilo juon em̧ aļaļ ilo juon jikin kallib an Peter Whitmer Sr., ilo Fayette, Seneca County, New York.

Josep eaar jutak im kajjitōk ippān ro rej bōk kuņaer eļan̄n̄e raar m̧ōņōņō kōn ejaak eo an Kabun̄ eo an Jisōs Kraist im Armej ro Rekwojarjar ilo Raan-ko Āliktata.

Kōjerbal pedped eo an bōro wōt juon, membōr ro rekāāl raar kajutak peier im kar errā kōn juon bout errā kake. Eo tok juon raar errā n̄an bōk Josep Smith im Oliver Cowdery āinwōt rūkaki ro aer im rikapilōk ilo jetōb.

“Membōr in Kabun̄ in ej juon men an juon make,” Elder Holland ej ba. “Aolep kajjojo rej aorōk. En̄in ej etke jej jerbal ioon pedped in katak eo an bōro wōt juon. Kōm kōņan aolep n̄an ewōr aer ļōmņak, n̄an kwaļo̧k kōn e make, im n̄an koba ilo wōnm̧aanļo̧k.”

Juon M̧akūtkūt Me Ej Ļōn̄aj Lōn̄ļo̧k Kōm Aolep

N̄e bōk kūr eo n̄an rijilōk, ro uwaan Doulul eo an Jon̄oulruo Rijilōk ro “rej kilep ” n̄an ļoor ankilan Irooj, Elder Dale G. Renlund ej ba. Jān kāālet n̄an rejtake Jon̄oulruo ro, membōr ro rej kwaļo̧k lōke eo aer ilo kajjojo kallim̧ur in pokake eo an Rijilōk ro n̄an Rilo̧mo̧o̧r eo.

Armej ro Rekwojarjar ilo Raan-ko Āliktata me rej kwaļo̧k bout in rejtak eo aer n̄an kajjojo Rijilōk ro rej ilo iien eo wōt rejtake koba in Doulul eo, Elder Quentin L. Cook ej ba.

Bout in ekwojarjar ej rie im kōjeraam̧m̧an Rijilōk ro—bōtaab ej barāinwōt rie ro rej rejtak, Elder Cook ej kakobaba. “Ej kōmaron̄ er im kōjeraam̧m̧an er im letok n̄an er tōl eo.”

Ej meļeļe in bwe ejja āinwōt an membōr ro lukkuun in kar jelet jān kijeek ko ilo Santa Rosa kar leļo̧k rejtake in rie eo n̄an Elder Rasband, membōr ro ilo aolepān laļ in remaron̄ in rie em̧ool ilo aer rie kajjojo uwaan Jon̄oulruo ro.