Ij Kūrijin!
Ke iaar peptaij im kapen, iaar bōk etan Kraist.
Ej meļeļe in iaar kāālet n̄an ļoor E im kajjion̄ n̄an kōm̧m̧ane ta eo ejim̧we.
Ij Kūrijin! Ij tōmak bwe Kraist ej Jitōnbōro Nejin Anij—
Irooj in Aenōm̧m̧an eo, Jabōt Em̧m̧an, Pilawā in Mour, Rikwojarjar Eo.
Ij Kūrijin! Ij riiti jeje ko rekwojarjar aolep raan, ekkatak kōn mour eo An,
Kabwilōn̄lōn̄ ko An, katak ko An, en̄taan indeeo eo An.
Ij Kūrijin! Ikōņaan bwe laļ in en jeļā Jisōs eaar mej kōn er.
Kōnke Eaar letok An mour kōn kōj, jenaaj aolep bar mour!
Ij Kūrijin! N̄e aō ej en̄jake metak kōn jerawiwi ak kea ko an laļ,
Ij kajjion̄ ļoor Jisōs im ijeļā Enaaj pād ijo.
Ij Kūrijin! Ij kōjerbal ta eo ewōr ippa n̄an jipan̄ ro m̧ōtta ro rej pād ilo aikuj.
Ij kajjion̄ n̄an kōm̧m̧ane ta eo Kraist enaaj kar kōm̧m̧ane, ij ļoor E.
Ij Kūrijin! Ij keememej Kraist ilo wāween eo Eaar kajjitōk ippād n̄an:
Ij bōk kwojkwoj eo kajjojo wiik im kallim̧ur n̄an m̧ool.
Ij Kūrijin! Jekdo̧o̧n n̄e imake, ij kwaļo̧k m̧ool.
Ij m̧ool, peran, im jim̧we. Komaron̄ pedped ilo n̄a.
Ij Kūrijin! Ij jeorlo̧k bōd an aolep ro me rej kāālet n̄an kōm̧m̧ane ta eo ebōd.
Ij karuwaineneik aenōm̧m̧an im jemjerā im jipan̄ armej bwe ren iakwe doon.
Ij Kūrijin! Ij iakwe Jisōs Kraist kōn aolepān būruwō. Ej m̧ool!
Ej am̧ iien kiiō—jouj im kwaļo̧k ta meļeļe in juon Rikūrijin n̄an kwe!