Iakwe jān Cambodia!
Iakwe, N̄a Paolo. Im en̄in ej Margo.
Kōmij loļo̧k Cambodia. En̄in ej ta eo kōm kar ekkatak!
Cambodia ej juon laļ ilo Southeast Asia. Ewōr tarrin in 15 milien armej ro rej jokwe ie, kōn tarrin in 14,000 ro uwaan Kabun̄ in.
En̄in ej juon Bok in Mormon ilo kajin Cambodia. Kajin Cambodia rej ņa etan Khmer (kuh-MY). Aļabapet eo an ewōr 74 leta ko—lōn̄ tata in Aļabapet eo aer ilo laļ in.
Rein uwaan Kabun̄ in rej iak-iakwe doon ilo wāween in m̧antin Ricambodia sampeah. Ilo an uteijļo̧k peiūm̧, eļapļo̧k kautiej kwoj kwaļo̧k.
Enan̄in aolep ajri ro ilo Cambodia rej ilo̧k n̄an jikuuļ im jar kōn iuwe ilo wōtobai ippān jinen ak jemen. Ak remaron̄ iuwe ilo juon tuk tuk—juon kein ektak būļli jān juon wōtobai.
Elōn̄ m̧ōn̄ā in Cambodia rej kōjerbal prahok, juon pasta in ek ekōmmōn̄ im jo̧o̧ļ. Rein uwaan Kabun̄ in raar kōm̧m̧ane juon ainbat kileplep in juub n̄an m̧ōn̄ā ippān doon ilo stake jaņtōr eo ikōtaan m̧wein̄an ko an kweilo̧k eo eļap.
Elōn̄ ajri in Būraimere ro ilo Cambodia rej Rikūrijin ro wōt ilo jikuuļ eo aer. Bwe kōnke elōn̄ wōt armej ro ilo Cambodia rej kōjerbal juon kabun̄ ņa etan Buddhism. Kabun̄ eo aer ej katakin er n̄an m̧ool, aenōm̧m̧an, im māletlet. En̄in ej kakōļļe in Buddhist eo em̧m̧an ippa ilo Cambodia me armej ro jān aolepān laļ in rej loļo̧k.
Iiō eo ļo̧k Būreejtōn Nelson eaar kōjeļļā bwe tampeļ m̧oktata ilo Cambodia enaaj kar ekkal ilo Phnom, Penh, capital city eo! Tampeļ eo enaaj jipan̄ baam̧le ko āinwōt in liāp ippān doon n̄an indeeo.
Kom̧m̧ool kōn am̧ etale Cambodia ippām. Bar lo eok iien in tok!