Iakwe Ro Jinen im Jemen,
Jisōs eaar jiron̄ ro Rikaļooran n̄an bōk gospel eo n̄an “aolepen laļ” (Mark 16:15). Māākijin eo an allōn̄ in emaron̄ lewaj n̄an baam̧le eo am̧ ļōmņak ko n̄an kwaļo̧k gospel eo jekdo̧o̧n ia eo kwoj jokwe ie. Eļan̄n̄e aolep ro ewōr ippāer māākjin in kar kwaļo̧k gospel eo ippān juon bar baam̧le, ļōmņak ewi jon̄an an lōn̄ļo̧k armej ro renaaj kar ekkatak kōn Jisōs! Erkein rej jet kajjitōk ko komaron̄ kōnono kaki ilo am̧ riiti kajjojo bwebwenato:
-
Ewōr ke juoneo me baam̧le eo ad emaron̄ karuwaineneik n̄an Būraimere, juon iien peptaij, ak juon m̧akūtkūt an Kabun̄ in?
-
Ta eo baam̧le eo ad emaron̄ kōm̧m̧ane allōn̄ in n̄an kwaļo̧k gospel eo kōn waanjon̄ak eo ad?
-
Ro m̧ōttad im ro rūturiid rej ke jeļā jej Rikūrijin?
Āinwōt juon baam̧le, kōkaļļeik aolep iien ko jabdewōt ilo bwebwenato kein rej kwaļo̧k gospel eo. Innām kōkaļļeik karōk in mijen eo an baam̧le eo am̧ make. Im jiron̄ kōm ekōjkan an kar kōm̧m̧an!
Kōm̧m̧an bwe jen kobrak laļ in kōn em̧m̧an!
Jera
New Friend section
50 E. North Temple St., Room 2393
Salt Lake City, UT 84150, USA