Lan̄ ej Jipan̄ Eō

Eaar juon iien em̧m̧an ejeja n̄an kar intōrpiuik aolep ro uwaan Doulul eo an Jon̄oulruo Rijilōk ro n̄an jeje kōn ekwojarjar an rijilōk (lale “Kōmij Rikam̧ool ro,” peij 12).

Ālkin kweilo̧k ippān Būreejtōn M. Russell Ballard, Ribōk Jikin Būreejtōn eo an Doulul eo an Jon̄oulruo Rijilōk ro, iaar reilikļo̧k n̄an lowaan opiij eo an. Eaar jijet ilo tebōļ eo an, je ekōnono eo an n̄an kweilo̧k eo eļap. E ej Ritōl Eutiej an Kabun̄ in aitok tata an jerbal—kar rejtake n̄an Doulul eo Kein Kajuon an Jiljilimjuonn̄oul eo ilo 1976 eo. Eaar āinwōt em̧ōk im kar kajoor ilo ejja iien eo wōt. “Ejet am̧ mour?” ej kab m̧ōj an kajjitōk ippa, ālkin kōn juon kean̄ em̧m̧an: “Jab buuļ jerbal kwonej kam̧ōk eok.” Itok jān juon eo eaar bōk kūr eo n̄an lukkuun in jerbal ilo aolepān mour eo an ilo jerbal in jipan̄ eo an Irooj, bwebwenato eo ekadu eaar ļap meļeļein n̄an n̄a.

Jon̄oulruo ro rej kūr n̄an “kajebwābweik aolep jerbal ko an [Kabun̄ in] ilo aolep laļ ko” (Katak im Bujen ko 107:33) Bōtaab n̄e kwoj pād ippāer, jibadbad eo aer ej oktakļo̧k jān juon Kabun̄ epād ilo aolepān laļ in n̄an kajjojo armej im̧aer. Raar itok n̄an kūr ko aer im etal jān jerbal ko aer reuteej im lukkuun aorōk ilo laļ in, aaet, ke iaar ilo̧k jān opiij ko aer, naan ko n̄an kōmeļeļeik er eaar aolep iien ejja āinwōt in—ettā im jouj.

“Jet iien ij kajjitōk ippa make, ‘Ekōjkan aō pād ijin ippān em̧m̧aan rein rem̧m̧an?’” Būreejtōn Ballard eaar ba n̄an eō. Innām eaar kam̧ool, “Lan̄ ej jipan̄ eō.” Ij kōjatdikdik bwe kwaar lem̧ōņōņō kōn meļeļe jidik in kōn kūr eo an juon Rijilōk.

Sarah Jane Weaver

Church News Editor