Katak ko jān Kallim̧ur Ekāāl

Rijilōk ro Rej Rikam̧ool ro kōn Kraist—im Kwe Komaron̄ Barāinwōt!

Jān Heather White Claridge

Māākjiin ko an Kabun̄ in

girls in a cafeteria

Pija eo kōm̧m̧an jān David Stoker

Pijaikļo̧k bwe kwe im juon m̧ōttan ko̧mij m̧ōn̄ā in raelep ilo jikuuļ. Eo m̧ōttam̧ ej pojak in tōn kōpeļļo̧k tōn̄al eo kijen ke juon ej itok im ņa ruwōn kōn an kar ko̧ote tōn̄al eo im kajjitōk bwe en “kōro̧o̧le n̄an eo eaar wia kake.” Kwaar pād ippān eo m̧ōttam̧ ke eaar wiaiki, kōn menin jekdo̧o̧n komaron̄ in kar ikūm̧kūm, kwoj jiron̄ eo ej ņa ruwōn bwe eo m̧ōttam̧ ejjab juon riko̧o̧t.

Rikam̧ool ro Rejenolo̧k

Jutak kōn m̧ool eo āinwōt menin emaron̄ ņa etan “erom juon rikam̧ool.” Ilo waanjon̄ak jab eo, kwoj juon rikam̧ool n̄an m̧wil em̧m̧an eo an eo m̧ōttam̧. Ejja āinwōt komaron̄ erom juon rikam̧ool n̄an eo m̧ōttam̧, Anij eaar kūr rikanaan ro im rijilōk ro n̄an erom rikam̧ool ro rejeno̧lok kōn Nejin, Jisōs Kraist. Rijilōk ro “kar jilkinļo̧k er kōn mālim im eddo ”¹ n̄an katakin, kam̧ool, im jerbal āinwōt “rikam̧ool ro rejenolo̧k kōn etan Kraist ilo aolepān laļ” (Katak im Bujen ko 107:23).

Ejjab etto ālkin an Kraist kar jerkakpeje, Rijilōk ro raar kūr n̄an erom rikam̧ool ro An (lale Jerbal 1:8). N̄e kwoj ekkatak kōn Jerbal ilo Kallim̧ur Ekāāl, komaron̄ riit kōn elōn̄ iien ko ke Rijilōk ro raar kam̧ool bwe Jisōs Kraist ej Nejin Anij (lale Jerbal 2:36; 5:27–32; 10:36–44). Rijilōk ro rainin rej wōnm̧aanļo̧k wōt ilo kūr in āinwōt rikam̧ool ro rejenolo̧k—baj ron̄jake jabdewōt kweilo̧k eo eļap im kwonaaj lo ekōjkan aer kam̧ool kōn Kraist.

Jetōb Kwojarjar eo ej Kam̧ool kōn Kraist.

Jet Rijilōk ilo Kallim̧ur Ekāāl raar pād ippān Kraist ke Eaar pād ioon laļ in im kar lo An wallōn̄ļo̧k n̄an lan̄ (lale Jerbal 1:9–11), im Rijilōk ro rainin remaron̄ kar lo Kraist,² bōtaab ejjab kōn lo Kraist ilo kanniōk me ej kōm̧m̧an bwe juon en rikam̧ool kōn E. Būreejtōn Joseph Fielding Smith (1876–1972) eaar ba, “[Jetōb Kwojarjar eo] ej wāween eo de in me juon armej emaron̄ ilo m̧ool jeļā bwe Jisōs ej Krasit eo im bwe gospel eo an ej m̧ool.”³ Menin ej meļeļe in bwe, jekdo̧o̧n ta Rijilōk ro remaron̄ kar lo Kraist, rejeļā E ej Rilo̧mo̧o̧r eo kōnke Jetōb Kwojarjar eaar jiron̄ er!

Komaron̄ Erom juon Rikam̧ool

Ta eo em̧ool eļapļo̧k an kabwilōn̄lōn̄ ej bwe kar barāinwōt kallim̧uri eok bwe komaron̄ jeļā bwe Jisōs Kraist ej am̧ Rilo̧mo̧o̧r kōn Jetōb Kwojarjar eo (lale Katak im Bujen ko 46:13). Ejjab juon men eo me Rijilōk ro wōt remaron̄ jeļā! Em̧ool jekdo̧o̧n kar kab kūr eok n̄an erom juon rikam̧ool ejenolo̧k kōn Kraist, komaron̄ pukōt n̄an jeļā juon naan in kam̧ool kōn Kraist im erom An rikam̧ool n̄an armej ro ilo mour eo am̧. Komaron̄ ļoor kean̄ eo an Rilo̧mo̧o̧r n̄an Piter: “N̄e em̧ōj am̧ bar oktak, kwōn kakajoor ro [jeim̧ im jatūm̧]” (Luk 22:32).

Kakeememej ko

1. Gordon B. Hinckley, “Special Witnesses for Christ,” Ensign, Māe 1984, 50.

2. Lale Boyd K. Packer, “The Witness,” Liahona, May 2014, 97; lale barāinwōt Lorenzo Snow, “A Visit from the Savior,” Liahona, Jept. 2015, 80.

3. Joseph Fielding Smith, Answers to Gospel Questions, comp. Joseph Fielding Smith Jr., 5 vols. (1957–66), 3:31.

Ekōjkan n̄an Erom juon Rikam̧ool kōn Jisōs Kraist

• Wōr juon “kōņaan wōt tōmak” (Alma 32:27).4

• Ekkatak kōn Rilo̧mo̧o̧r eo ilo jeje ko rekwojarjar.

• Jar im kajjitōk kōn Jetōb Kwojarjar n̄an kapen bwe Kraist ej am̧ Rilo̧mo̧o̧r.

• Ekaktak Kallim̧ur Ekāāl im kakōļļeik n̄āāt eo Rijilōk ro raar rikam̧ool ro.

Juon Rikam̧ool Ejenolo̧k

Elder Gary E. Stevenson

“Ij juon rikam̧ool ejenolo̧k kōn Jisōs Kraist. Bwe kam̧ool eo eaar jino āinwōt juon ine kar katōke kōn katak ko an rikanaan ro etto im raan kein. Eaar eddōkļo̧k n̄an an juon naan in kam̧ool epen kōn Jepļaaktok eo an gospel eo an Jisōs Kraist. … Eaar bōktok n̄an eō lan̄lōn̄ im aenōm̧m̧an eļap im juon jemjerā em̧ool ippān Jisōs Kraist. Ijeļā E emour im ej iakwe kōj. E ej ad Rilo̧mo̧o̧r im Ripinmuur. Ij kam̧ool menin.”

Elder Gary E. Stevenson jān Doulul eo an Jon̄oulruo Rijilōk ro, “Rikanaan ro rej Kwaļo̧k n̄an Kōj Iaļ eo n̄an Lem̧ōņōņō im Mour Indeeo,” Rikam̧ool ro Rejenolo̧k kōn Kraist (pija in alooj), lds.org/prophets-and-apostles.