Elder Jorge F. Zeballos
Fitugafulu o le Pulega Aoao
Sa auai Miguel ma Iris Alvarado i le Ekalesia i Puerto Rico i le 1977 ina ua ono tausaga o le la tama tama o Jorge. Sa papatisoina Jorge laitiiti i le lua tausaga mulimuli ane ma e lei misia lava se sauniga i le Sapati.
“Peitai o lo’u liua na tupu ina ua ou 16,” na saunoa ai le Fitugafulu faatoa valaauina o le Pulega Aoao.
I le aoga maualuga, sa amata ona ia auauna atu o se peresitene o lana vasega seminare i lona nuu o Ponce. Na aoaoina e tamaiti aoga le Tusi a Mamona i lena tausaga. O lona tiutetauave fou na uunaia ai ni iloiloga faaletagata lava ia.
“Sa ou fesili ia te a’u lava ia, ‘Pe ou te iloa moni ea e moni le Tusi a Mamona?’ E faapefea ona ou peresitene i la’u vasega seminare pe afai ou te le iloa pe moni le tusi?”
Sa ia pikiina i luga lana kopi o le Tusi a Mamona ma mo le taimi muamua amata ona faitauina ma le naunautai.
“Na ou tootuli i lalo ma sa ou tatalo, ma sa ou iloaina i lena lava taimi e moni,” na ia fai mai ai.
E tumau pea ona avea le Tusi a Mamona ma se faatosinaga taua i le olaga o Elder Alvarado.
Ao auauna atu i se misiona faafaifeautalai i le Misiona a Florida Tampa, sa ia faasoaina atu le Tusi a Mamona i tagata uma na ia aoaoina. Mulimuli ane, sa ia suesue i le tusi faatasi ma lona toalua ma le la fanau e toatolu. I le avea ai ma peresitene o le Misiona a Puerto Rico San Juan, sa ia tuuina atu se lu’i i ana faifeautalai ia alolofa ma faasoa atu le Tusi a Mamona.
I le taimi nei, i le avea ai ma se Fitugafulu o le Pulega Aoao, o loo tumau pea le naunau o Elder Alvarado e valaaulia isi ia iloa upumoni e suia ai olaga o le Tusi a Mamona.
Sa soifua mai Jorge Miguel Alvarado Pazo i le aso 21 o Novema, 1970. I le aso 19 o Tesema, 1992, sa ia faaipoipo atu ai ia Cari Lu Rios i le Malumalu o Uosigitone D.C.
Ina ua mavae le suesue ai i pulega faapisinisi i le Iunivesite o Puerto Rico, sa ia faigaluega i vaega eseese o le pulega faapisinisi i Puerto Rico ma le Iunaite Setete. Sili ona lata mai, sa ia faigaluega ai i le laumua o le Ekalesia i le Aai o Sate Leki o se pule faavaomalo mo Auaunaga o le Ola Tutoatasi.
Na auauna atu Elder Alvarado ma se Fitugafulu Eria, peresitene o se siteki, fautua maualuga, peresitene o se paranesi, ma se taitai misiona a se uarota.