Elder Rubén V. Alliaud
Fitugafulu o le Pulega Aoao
Na 14 tausaga o Rubén Alliaud ina ua tuua e ia lona aiga i Atenitina ina ia faaalu se tausaga faatasi ma lona uncle i le Iunaite Setete. O lona tamā, o Rubén Reynaldo Alliaud, na maliu muamua atu, ma sa amata ona maua Rubén “i se agaga fouvale.”
Na auina atu e lona tinā popole, o María, o ia i Houston, Texas, e nonofo ai ma lona tuagane, o Manuel Bustos, ma lona aiga. E tasi lava le tulaga sa ia talosaga atu ai i le aiga a lona tuaganae: “’Aua nei faasoa atua a outou talitonuga faale-Au Paia o Aso e Gata Ai i la’u tama.”
Ae ui i lea, o le agaga o le talalelei, na fiafia ai le talavou tauivi. Sa ia matauina le auala na tuufaatasia ai e le Ekalesia le aiga o Bustos e ala i le tatalo ma le auaunaga, ma sa mafai ona ia matauina le anoanoai o kopi o le Tusi a Mamona i luga o fata o lona potu.
I le fia iloa, sa ia toso maia i lalo se kopi ma maua ai le folafolaga a Moronae e mafai ona ia iloaina e ala i le tatalo e moni le Tusi a Mamona.
“O lena folafolaga na ou ootia ai,” o le saunoaga lea a le Fitugafulu o le Pulega Aoao fou na faatoa valaauina. “Na ou manao e faitau le tusi.”
Sa ia manatu mamafa i le folafolaga a Moronae, maua se tali mautu, ma ta’u atu i lona uncle faateia ua ia manao e papatiso. Na toe auina atu e Uncle Manuel ia Rubén i le taimi lava lena i Atenitina e talosaga mo le faatagaga a lona tinā. E lei umi ae papatisoina o ia. Talu mai lena taimi, na faamalosia e le talalelei toefuataiina le olaga o Elder Alliaud.
Na soifua mai Rubén Vicente Alliaud i le aso 8 o Ianuari, 1966, i Buenos Aires. Na ia faaipoipo atu ia Fabiana Bennett Lamas i le Malumalu o Buenos Aires Atenitina i le aso 17 o Tesema, 1992. E toaono o la alo.
Na maua e Elder Alliaud se faailoga faaloia mai le Iunivesite o Belgrano, i Buenos Aires, ma sa fiafia i se matata faaletulafono lautele, e faapitoa i loia o soligatulafono. Talu mai le 1998 na ia galue o se paaga faapulega mo le Alliaud & Asociados.
Na ia auauna atu o se Fitugafulu Eria, peresitene o le Misiona o Atenitina Córdoba, peresitene o se siteki, fautua maualuga, epikopo, peresitene o le korama a toeaina, ma se faifeautalai i le Misiona a Iurukuei Montevideo. I le taimi o lana valaauga, sa ia auauna atu o se faiaoga inisitituti, fesoasoani muamua i le au peresitene o le Nofoaga Autu e Aoao ai Faifeautalai i Atenitina, ma o le faatonu o le va i fafo.