Elder L. Todd Budge
Fitugafulu o le Pulega Aoao
Ao avea Todd Budge ma se tama talavou, sa aoaoina o ia e ona matua i le auala e saili ai le finagalo o le Alii. I lona olaga atoa, sa ia taumafai ai e faaaoga lena faataitaiga i soo se filifiliga.
I tausaga mulimuli ane, ina ua mavae ona faamautuina o ia ma lona toalua i se fale ma se fanau e toalima, sa ia lagona ni musumusuga faaleagaga e tuua lana galuega i le faletupe ma mea tautupe. O le suiga o le a manaomia ai se ositaulaga maoae mo ia ina ia faamautuina i se matata fou.
Ina ua mavae taumafaiga ma sauniuniga e tele e suia ia matata, sa feiloai ia Elder Budge ma se tasi e tulaga ese lava e tuuina atu ia te ia se fautuaga. Na fautua atu e lenei tagata ia Elder Budge e nofo i lana matata tautupe, faamanatu atu ia te ia o le a ia maua le tele o avanoa e fautua atu ai ma fesoasoani i tagata. “Tatou te manaʻomia tagata e amiosaʻo i mea tau pisinisi,” na ta’u atu ia te ia e le tagata.
Sa mafaufau Elder Budge o lena fetaiaiga o se alofa mutimutivale mai le Alii. “Ou te manatu sa Ia fia silafia po o fea o i ai lo’u loto,” na ia fai mai ai. “E silafia lona e le Alii lo’u loto, Na te le manaomia le taulaga, ma ou te talitonu e mafai ona Ia faaaoga a’u mo Ana faamoemoega e aunoa ma le suia o se matata.”
O lana matata na faataga ai o ia e avea ma faatosinaga mo le lelei i le lalolagi faapisinisi, e oo lava i le tatalaina o faitotoa e faasoa atu ai le talalelei i Iapani.
Sa soifua mai Lawrence Todd Budge i le aso 29 o Tesema, 1959, i Pittsburg, Kalefonia, ISA, ia Lowell Jensen ma Deanna Price Budge. Sa ia feiloai ia Lori Carpenter ao la tausaga muamua i le Iunivesite o Polika Iaga. Valu masina talu ona ia toe foi mai mai le auauna atu i le Misiona a Iapani Fukuoka, sa la faaipoipo ai i le Malumalu o Logan Iuta. E toaono le la fanau.
Ina ua mavae ona faauu mai BYU i le 1984 ma se faailoga o le tagata malaga i mea tau tamaoaiga, sa faigaluega Elder Budge mo le Kamupani a Bain & Iapani; Citibank, N.A.; ma le GE Capital. Sa avea o ia ma peresitene ma faatonusili aoao o le Tokyo Star Bank Limited i le 2003, auauna atu o se taitaifono o faatonu a le faletupe mai le 2008 i le 2011.
Na avea Elder Budge ma Fitugafulu Eria, peresitene o le Misiona a Iapani Tokyo, peresitene o le siteki, epikopo, peresitene o le korama a toeaina, ma le peresitene o Alii Talavou a se siteki.