Gikan sa Unang Kapangulohan

Pagkat-on mahitungod ni Jesus

Ni Presidente Russell M. Nelson

Presidente Russell M. Nelson

Gikan sa “Pagdawat sa Gahum ni Jesukristo diha sa Atong Kinabuhi,” Liahona, Mayo 2017, 39–42.

Learn about Jesus

Gipadala sa Dios ang Iyang Anak nga si Jesukristo aron sa pagtabang kanato. Kamo makabaton sa gahum gikan ni Jesukristo kon kamo mobuhat niining mga butanga:

• Pagkat-on mahitungod sa Manluluwas. Pipila ka tuig na ang milabay ako nagbasa ug gilinyahan ang matag beriskulo diha sa mga kasulatan mahitungod ni Jesukristo. Pagkahuman na nako, giingnan nako ang akong asawa, “Ako usa na ka lahi nga tawo!”

• Tun-i “Ang Buhi nga Kristo.” Pagpamatuod kini mahitungod ni Jesukristo gikan sa mga propeta ug mga apostoles.

• Andam nga mobarug, mosulti, ug magpakalahi gikan sa mga tawo sa kalibutan.

• Paninguha sa paghunahuna Kaniya sa matag hunahuna (tan-awa sa Doktrina ug mga Pakigsaad 6:36). Kon buhaton ninyo, ang inyong mga pagduha-duha ug mga kahadlok mawala.

• Paghimo og sagrado nga mga pakigsaad ug tumana kini.

Si Jesus mao ang Kristo! Ang iyang gahum anaa sa matag usa kaninyo.

Tabangi nga Motubo ang Among Tanaman!

Sa dihang si Jesus dinhi pa sa yuta, mabination Siya kanunay sa uban. Kon kita mabination, nagsunod kita Kaniya.

Sama nga daghan kaayong lain-lain nga mga tanom, mga bulak, ug mga utanon nga motubo sa tanaman, kita mahimong mabination sa daghang lain-laing mga paagi.

Karong tuiga nananom kami og mabination nga tanaman! Kon kamo magpakita og pagkamabination ngadto sa usa ka tawo, isulat kini sa ginunting nga porma og bulak, cactus, dahon, tanom, utanon, o bisan insekto nga makatabang sa tanaman! Dayon ipadala kini kanamo. Ang luyo nga tabon mosulti kaninyo unsaon. O paghimo sa inyong kaugalingong mabination nga tanaman ug ipadala ang inyong litrato nga “nagtrabaho” niini!

Mao kini ang akong sugo, nga kinahanglan maghigugmaay kamo ang usa sa usa, sama sa akong paghigugma kaninyo.* *Juan 15:12