Ania Dinhi Ang Simbahan

Tokyo, Japan

Japanese family at a cemetery

Sa Lubnganan sa Yanaka sa Tokyo, Japan, usa ka pamilya nga Santos sa Ulahing mga Adlaw, ang mga Saitōs, mibisita sa lubnganan sa pamilya. Alang kanila mao kini ang dapit sa paghinumdom, nakapahimo nga mas sagrado tungod sa ilang kahibalo sa ebanghelyo nga ang mga pamilya mahimong magmahangturon.

Ang pagtahud alang sa pamilya ug sa mga katigulangan lig-on kaayo sa kultura sa Hapon, ug ang mga Santos sa Ulahing mga Adlaw nga mga Hapon nalipay nga ang ilang nasud napanalanginan na karon og tulo ka templo: Tokyo (ang una sa Asya, gipahinungod niadtong 1980 ug karon giayo), ang Fukuoka (gipahinungod niadtong 2000), ug ang Sapporo (gipahinungod niadtong 2016). Ang Japan usab adunay 64 ka LDS nga mga sentro sa family history.

Ang mga misyonaryo unang miabut sa Japan niadtong 1901, gipangulohan ni Elder Heber J. Grant (1856–1945), kanhi sakop sa Korum sa Napulog Duha ka mga Apostoles ug dayon ikapito nga Presidente sa Simbahan. Karon adunay dul-an sa 130,000 ka mga miyembro sa Japan sa 261 ka kongregasyon.

• Ang unang hubad sa Basahon ni Mormon ngadto sa Hinapon milungtad og lima ka tuig ug nakompleto niadtong 1909. Ang gibag-o nga hubad gimantala niadtong 1957.

• Ang unang LDS meetinghouse sa Asya gipahinungod didto sa Japan niadtong 1964.

• Ang mga General Authority nga kagikan sa Hapon mao sila ni Adney Y. Komatsu (1923–2011), natawo sa Hawaii; Sam K. Shimabukuro (1925–2015), natawo sa Hawaii; Yoshihiko Kikuchi, emeritus; Koichi Aoyagi, emeritus; Takashi Wada; ug si Kazuhiko Yamashita.