Pagkadisipulo

Ang kalibutan nga atong gipuy-an ingon og gihimo aron sa pagsulay sa atong dedikasyon ngadto sa pagkadisipulo. Samtang magtuon kita sa Bag-ong Tugon niining tuiga, mahimo kitang madasig pinaagi sa mga pagtulun-an ug mga ehemplo ni Jesukristo ug sa Iyang mga disipulo, kinsa naningkamot nga makat-on ug mahimong mas mahisama sa ilang Agalon.

Isip mga magtutudlo sa Bag-ong Tugon sa Brigham Young University, ang akong kauban nga si Gaye Strathearn ug ako mopakigbahin sa pipila ka mga hunahuna niini nga isyu mahitungod sa mga sundanan sa pagkadisipulo nga atong makat-unan gikan ni Maria, ang inahan sa Ginoo (pahina 12), ug ni Juan ang Hinigugma (pahina 18). Kining duha ka tawo mao ang uban sa bantugang mga saksi ni Jesukristo. Gawas sa Dios Amahan Mismo, walay usa nga mas nakaila kay sa inahan ni Jesus nga Siya mao gayud ang Anak sa Dios, ug si Juan usa sa orihinal nga Napulog Duha ug nakita nga usa sa labing suod nga higala sa Ginoo.

Ang debosyon niini ug sa ubang mga disipulo nagtudlo nato kon unsaon nga mahimo kitang hinigugma nga mga disipulo ni Jesukristo mismo sa atong kaugalingon ug ipadayon ang atong pagkadisipulo bisan pa sa mga hagit sa kalibutan.

Samtang mainampoon kitang magtuon sa Bag-ong Tugon, kita makahibalo dili lamang dugang mahitungod ni Jesus apan sa tinuod mas makaila Kaniya (tan-awa sa Juan 17:3).

Matinuoron,

Eric D. Huntsman