Ta eo Kajjojo Bisop Ekōņaan Bwe Ro Uwaan Ward eo An ren Jeļā
Rijeje eo ej jokwe ilo Utah, USA.
Erkein rej ralitōk m̧ool ko iaar katak ke iaar jerbal āinwōt juon bisop.
Eaar wōr aō iien em̧m̧an n̄an jerbal āinwōt juon bisop. Ilo iiō ko, iaar katak elōn̄ katak ko jān aō maron̄ kōllaajraki. Ak iaar katak ralitōk m̧ool ko me ij tōmak rej jerbal n̄an aolep bisop. Men̄e elaajrak in ejjab kobaik aolep men, ej kajjieon̄ eo aō in ilo kwaļo̧k ta eo aolep bisop rej kōjatdikdik ro uwaan ward eo an ren jeļā.
1. Bisop eo ej iakwe kajjojo ro uwaan ward eo an ilo juon wāween eo em̧ool.
Iakwe eo an juon bisop n̄an ward eo an rej ekejel n̄an iakwe eo me an Jemedwōj Ilan̄ im Jisōs Kraist n̄an kōj kajjojo. N̄e bisop ej kalimjōke ro uwaan ilo kweilo̧k in kwojkwoj eo, tiriam̧o kake im meļeļe kake rej itok ioon ilo juon wāween eo eoktak jān jabdewōt men ejjan̄in kar en̄jake. N̄e bisop eo ej jutak im kwaļo̧k ewi jon̄an an iakwe ro uwaan ward eo an, en̄jake ko an rem̧ool. Jeļā bwe bisop eo am̧ ej iakwe eok, ej ļōmņak kōn eok, im kea kōn eok eļapļo̧k jen am̧ jeļā.
2. Bisop ākekemooj, em̧ōņōņō, im ilo jetōb kar rejtak jān tōmak im jar ko an membōr ro.
Juon bisop ej joļo̧k eļap awa n̄an jerbal. Ekkā an joļo̧k elōn̄ iien ilo m̧ōn jar eo ilo Jabōt im bar joteen ko ālkin jerbal in loļo̧k, intōrpiu, n̄an kea kōn ro uwaan ward eo an.
Bisop eo emaron̄ kōm̧m̧ane menin aolep wiik kōn tōmak im jar ko an ro uwaan ward eo. Āinwōt juon bisop eo ej kab kūr, aolep iien ij jan̄ n̄e ij ron̄ an juon uwaan jar n̄an “kōjeraam̧m̧an bisop eo.” Jar in tōmak ko ami rej lukkuun in uwaak, im bisop eo ej būki im en̄jake in rejtak ko an jar ko. Irooj ej uwaaki jar ko robrak kōn tōmak ioon bōran bisop ro an Kabun̄ in.
3. Bisop eo ekkā an en̄jake likjab eļap kōn kūr eo (men̄e ālkin jilu ak emān iiō).
Ikar jeļā kajien ekanooj iiet bisop ro me raar en̄jake ke raan lukkuun “pojak” n̄an kūr eo. Ijeļā, ijoke, bwe “eo Irooj ej kūri, Irooj ej kālete.”1 Ilo an juon bisop jeļā ke ej kālete, ej bar kakkōt kōn en̄jake eo āinwōt n̄e eban em̧m̧an an kōm̧m̧ane kūr in. Enaaj kōm̧m̧ane ijo em̧m̧antata n̄an leļo̧k kapilōk em̧m̧an n̄e aikuji, eban kōmetak armej, im n̄an jerbal wōt kōn Jetōb, ak enaaj wōt ļo̧mņak eļan̄n̄e em̧m̧an ej kakūrm̧ool kūr eo an.
4. Jetōb eo an Anij emaron̄ jerbal ilo bisop eo n̄e ej kapilōk ro uwaan ward eo.
N̄e kajjitōk ta eo eļap tata aō būruom̧ōj kōn jerbal āinwōt juon bisop, ij jiron̄ armej ro ke ij būrom̧ōj kōn kareel eo ekajoor an Jetōb eo me ej itok ippān mālim eo an juon bisop. Men̄e kaenōm̧m̧an ro emej ro rejitōn bōro, kōnono ippān ro rej kōn jab m̧ool n̄an lio ak ļeo pālele, ak kūr armej n̄an ukweļo̧k, Jetōb eo ej jerbal ippān bisop eo etiljek ej Jetōb eo an Anij im jetōb in revelesōn.
Ejjab etto ekar wōr juon kar uwaan ward eo eaar kajjitōk ippa kōn jipan̄ ilo ņa mejļan jet an make ļon̄tak ko. Eaar em̧akūtļo̧k n̄an juon ward im kar jab jeļā eļan̄n̄e ekōņaan jibadōkļo̧k bisop eo an ekāāl n̄an bōk tōl. Iaar kwaļo̧k ippān ta eo iaar kwaļo̧k elōn̄ alen jān ke kar kōtļo̧k eō, eo eaar bwe ilo aō kōņaan jipan̄, ejako aō kabwijer kii ko me juon bisop ej kabwijeri im bwe ko remaron̄ in aorōk n̄an leļo̧k rejtake eo eaar aikuji. Ij kwaļo̧k bwe en kōnono ippān bisop eo an. Iaar loļo̧k liin ruo wiik ko tokālik, im liin eaar ba bwe eaar ioon bisop eo an im eaar āinwōt eļan̄n̄e eaar jeļā ta kar ta ļon̄tak ko an im ekōjkan an jipan̄ e. Men̄e bisop eo ej maron̄ in kōm̧m̧an wōt bōd, Irooj ej im̧we e, tōl e, im kōjeraam̧m̧an mour ko kōn naan ko an.
5. Bisop ej juon armej; jet iien ej kōm̧m̧ani bōd ko im jet iien ej kōm̧m̧ani men ko rebōd.
Bisop ro, jekdo̧o̧n kūr eo aer, rej armej kanniōk. Ewōr aer likjab ko, m̧ōjņo̧ ko, kaljōkļo̧k ko, im ļon̄tak ko aer make. Jetōb ej kōkarbōb juon em̧m̧aan eo ej kabwijer opiij eo an bisop, ak bisop eo ej armej wōt n̄an ejja jekjek ko wōt im m̧ōjņo̧ ko jej aolep iooni.
Ļōmņak in ejjab aikuj kadiļo̧k utiej eo jej aikuj kwaļo̧k n̄an kūr in an ak ron̄jake kapilōk eo an. Juon bisop ekanooj jeļā kōn m̧ōjņo̧ ko an im kajieon̄ anjo̧ jeni ak bōbrai jān aer jelet jerbal eo an āinwōt juon bisop. Jeko̧o̧n ej kajjieon̄, aolep iien enaaj likjab.
6. Bisop eo ej en̄jake bwe ejjamin maron̄ lo ro uwaan ward eo ak jabwe an kōm̧m̧an em̧m̧an.
Kajjojo raan bisop eo ej ļōmņak wōn emaron̄ ak aikuj in kar jipan̄e ilo raan jab eo. Inaaj kar kōņaan loļo̧k aolep ro uwaan emakijkij, bōtaab ewōr juon aō jerbal, aō baam̧le, būrookraam̧ an jodikdik ro, im jet ro uwaan ward eo kōn eļap aikuj ko. Ejjab bwe iien n̄an lo kajjojo ro uwaan ilo kajjojo iien.
Ijoke, āinwōt juon bisop, jet iien Jetōb ej im̧we eō n̄an loļo̧k jet ro uwaan me raar apan̄. Elōn̄ iien, loļo̧k kein ippāer raar ijjino kōn aer ba, “Ijeļā kwonaaj kar itok.” Jetōb eo kōm kar en̄jake ekkar an tōr jān jon̄an ilo am jim̧or kar kile bwe loļo̧k eo eaar kam̧ool bwe Anij ej uwaaki jar ko.
Aolep iien ij bar m̧ōņōņō kōn karuwainene eo ij loe ilo kōjām in mōko im̧ōn ro reniknik, ro uwan “rejjab apan̄.” Armej rein rem̧m̧an rej etal n̄an jar kajjojo wiik, tiljek ilo kūr ko, rejjab ioon apan̄ ko, im ilo m̧ool ejjab emakijkij aer loļo̧k jān ritōl ro an priesthood. Raar kam̧m̧oolol kōn an wōr jet juon-llōk-juon aer iien ippān bisop eo aer. N̄an kom̧ aolep in ba, “Kom̧m̧ool! Kōm̧m̧ane wōt! Jeļā bwe bisop ro ami rej iakwe kom̧ im naaj ļapļo̧k aer lo waj eļan̄n̄e emaron̄.”
7. Bisop eo ami elukkuun, ilo m̧ool, m̧ool in aikuji kom̧ n̄an katakin doon.
Āinwōt juon bisop, jabdewōt iien ke kar jiron̄ eō juon uwaan ward eo eaar apan̄, ikōn ba iien otemjej, “Wōn ro rej rūkaki in m̧ōko im rūkaki in loļo̧k ro an kōrā?” En̄in eaar juon wāween lale bwe aikuj ko an ro uwaan maron̄ kar in kōm̧m̧ani jim̧or iien ko rekaddu im aetok kitieer. Bisop eo, jerbale ilo jab bōk jipan̄ jen ro uwaan ward im stake eo, ewōr an kein jipan̄ ko ewōr jon̄aer. Em̧ool e emaron̄—im naaj—etal im loļo̧k armej ro rej pād ilo jorrāān eļap. Bōtaab kōn kein jipan̄ ko an priesthood eo im Doulul eo an Kōrā ro rej pād n̄an e, ej kwaļo̧k elōn̄ļo̧k armej remaron̄ jipan̄.
En̄in ej ta jerbal in karejar ej kake. Ewōr iien n̄e jet iaad renaaj meļo̧kļo̧k etke jej katakin doon: Irooj eaar kakien kōj n̄an “yokwe doon” (Jon 13:34). Jeļā bwe bisop eo am ej kōjerbal jerbal in karejar āinwōt juon iaļ eim̧we n̄an “kōļapļo̧k an pād” ilo mour ko an ro uwaan ward eo.
8. Bisop eo ej kōņaan en kar maron̄ kōm̧m̧an aolep men n̄an armej ro an.
Jabdewōt iien, raan ak bon̄, men̄e ej juon kōjeraam̧m̧an priesthood eo, kapilōki juon ajri ebōt, ak ekairiri n̄an juon jikin jorrāān, ekar kōņaan kōm̧m̧an jabdewōt men juon uwaan ej aikuji. Eban iien otemjej kōm̧m̧ane aolep men, ak emaron̄ in jab armej eo ejejjet ilo aolep jekjek, ak jab mijak in kajjjitōk kōn jipan̄ n̄e kwoj aikuji. Jeļā bwe bisop eo ej pād n̄an jerbal ilo iien ko im bwe kwoj jim̧or obrak kōn kōjeraam̧m̧an kōn jerbal ippān doon.
Ij lukkuun ettā kōn eddo eo ekwojarjar iaar maron̄ in jerbale ilo kūr in ekwojarjar. Ilo jerbal eo aō, iaar etal jān juon tōmak n̄an jeļāļo̧kjeņ. Ejako aō tōmak bwe gospel eo ej m̧ool; ijeļā ej m̧ool. Ejako aō tōmak bwe Anij ejeļā kajjieō; ijeļā bwe Anij ej lukkuun kea kōn kōj kajjojo, kōn mour ko ad kajjojo raan im apan̄ ko ad. Mekarta, ijeļā bwe Ej jerbal ippān ro Karejeraņ, eļaptata ro rej kabwijer kii ko. Ijeļā bwe ke iban kar jerbal āinwōt juon bisop n̄e Anij eban kar ļōmņak kōn jerbal in. Ej tarļep in m̧ool eo an gospel eo im iakwe eo an Anij n̄an ro Nejin me ej kōmaron̄ bisop ro n̄an jerbal.