Bwebwenato ko ilo Jeje ko Rekwojarjar
Lerooj Ester
Jān Ester 2–8.
Ester kar juon lerooj. Ekar m̧areiki kiin̄ eo an Persia.
Kiin̄ eo ekar wōr juon m̧ōttan em̧m̧aan enana. Ekar mōņe kiin̄ eo bwe en kōm̧m̧an juon kakien bwe rej aikuj m̧aņ aolep riJew. Kiin̄ eo ekar jab jeļā bwe kōrā eo pāleen, Ester, kar juon riJew.
Ester ekar kālet bwe en kajjitōkin ļeo pāleen, kiin̄ eo, n̄an lo̧mo̧o̧ren armej ro an. Ak ekar ikūmkūm n̄e ļeo pāleen enaaj illu. Ester ekar kajjitōk bwe aolep ri Jew ren jitļo̧k im jar kōn e. Innem Ester ekar etal ippān kiin̄ eo. Ekar jab illu!
Ester ekar karuwaineneiki kiin̄ eo im eo m̧ōttan n̄an juon kōjota. Ilo kōjota eo, Ester ekar ba n̄an kiin̄ eo bwe e juon riJew. Kiin̄ eo ekar illu bwe eo m̧ōttan ekar mōņe e. Ekar ba n̄an riJew ro bwe ren kōjparok er make. Ester ekar jipan̄ lo̧mo̧o̧ren armej ro an!
Jemaron̄ jar im kajjitōk ippān Jemedwōj Ilan̄ bwe en jipan̄. Jemaron̄ kajoor im peran, āinwōt Ester.