Bwebwenato ko an Ijo Jokwe ie
Ļōn̄aj Mour ko ilo Marshall Islands
Kein ekjerjaij eo enaaj jipan̄ ilo tariņaik tōn̄al.
Ilo jino in ļo̧k iiō in juon m̧akūtkūt eaar kōm̧m̧an ilo Canvasback Wellness Center eo ilo Majuro, Marshall Islands n̄an kam̧m̧oolol kōn menin jipan̄ eo an kein kāājemourur eo ekāāl jān LDS Charities.
Canvasback Missions kar jino Wellness Center eo ilo Majuro ilo koba ippān Ministry eo an Jikin Ājmour ilo 2005 eo n̄an ņamejļan ļapļo̧k in jorrāān ko an tōn̄al im nan̄inmej ko jet rejjab etal jān juon n̄an juon. Ilo juon laļ ijo 75% in rūtto ro rōrūttoļo̧k jān 50 iiō ewōr aer nan̄inmej in tōn̄al, Wellness Center eo ej jerbal ippān doulul ko ijo, kien, im kajjojo armej n̄an tōpar armej ro ilo aolepān Marshall Islands.
LDS Charities ej m̧ōttā ippān doulul ko eo āinwōt Canvasback Mission ilo aolepān Pacific eo emeļeļe kōn aikuj ko rein juon an jukjuk in pād ko rej jerbal n̄ani innām jipan̄ ejaki jekjek ko n̄an ņamejļān ijo jokwe ie.
Jipan̄ eo jān LDS Charities eaar koba treadmill ko rekāāl ippān kein ron̄jake ko, stair stepper, kein ekkotak ko ekanooj em̧m̧an, im balance ball ko kōjerbali n̄an kōkajoorļo̧k peļan im m̧ajōļ ko ituioļapļap.
Elder Craig Preston im kōrā eo pāleen, Nancy, ro rej mijenede ro rej jerbal aolep raan, raar pād ilo etan LDS Charities ilo iien kam̧m̧oolol ajeļo̧k eo.
Jikin kājemourur eo ejjeļo̧k wōņāān im ekkā an rinan̄inmej ro an auujpitōļ eo kōjerbale n̄an physical therapy, rijerbal ro an auujpitōļ eo, opija ro an būlijmān an Majuro, im ro jet me rej kōņaan dāpij wōt ājmour.