5 Wāween ko Komaron̄ Jipan̄ Bisop eo Am̧ Jipan̄ Eok

Jān Chakell Wardleigh

Māākjiin ko an Kabun̄ in

Ej kōm̧m̧ane ijo em̧m̧antata an, ak jet iien ej aikuj jipan̄.

Pija

young adult talking with bishop

Ej iak-iakweik eok kōn juon idik peem̧ kajjojo iien kwoj ioon e, ej jijet ijo jikin eo jikin kar kōjeno̧lo̧ke ijo im̧aan ilo kweilo̧k in kwojkwoj eo, im ej kaarmejete eļap wōt iien ko an n̄an jerbal n̄an eok im Irooj.

Ej bisop eo am̧: juon ritōl an priesthood eo kar kūr jān Anij n̄an tōl ward eo am̧. Laajrak in jerbal ko an raikuj dedeļo̧k, ej kapilōk membōr ro ilo opiij eo an men̄e eaar eaar jerbal eo an eaar poub, im ej pād wōt ilo m̧ōn jar eo ālkin m̧ōjin jar n̄an kakūrm̧ool eddo ko an.

Bisop eo am̧ emaron̄ āinwōt wōr an kajoor ejjeļo̧k jon̄an, ak tōl aolepān ward eo emaron̄ in kam̧ōkm̧ōk. Ej kōm̧m̧ane ijo em̧m̧antata an, ak jet iien ej aikuj jipan̄. En̄in ļalem wāween ko komaron̄ jipan̄ bisop eo am̧ jipan̄ eok:

Jar kōn e. Kūr eo an juon bisop emaron̄ in aikuji jon̄an eo eļap tata in maron̄ eo an ikkijine kōļmenļo̧kjeņ, jetōb, im kajoor an ānbwin. Ej aikuji kajoor eo me Anij wōt emaron̄ letok ak emaron̄ itok kōn tōmak im jar ko am̧ (lale Jemes 5:16).
Wōr tōmak ilo opiij eo. Kwaar rejtake āinwōt am̧ bisop, ak am̧ tōmak ejjab ilo em̧m̧aan in; ej ilo opiij eo ak kūr eo an bisop im ilo Anij eo eaar kūr im rejtak e. Elmen am̧ maron̄ kwaļo̧k am̧ tōmak? M̧ōņōņō in kakūrm̧ool kūr ko im ijjintōn̄ ko. N̄e kwoj ioon bisop eo am̧, etal ilo am pojak—jar, jitlo̧k eļan̄n̄e emenin aikuj, im nuknuk karbab n̄an kwaļo̧k am̧ kautiej Irooj. Lukkuun ļōmņak kōn kapilōk eo an. Ej pinej jenkwan Irooj.
Jeļā kajjien. Kōm̧m̧ani kijejeto ko n̄an jeļā kajjien. Kajjitōk kōn mour eo an, kadkadin, im an iminene. Men bwe en jeļā ke kwoj kam̧m̧oolol e kōn jerbal eo an im bwe ewōr am̧ leke ilo an kakūrm̧ool eddo eo an. (Lale 1 Tessolonika 5:12–13.)
Jab kōjatdikdik wōt ilo e. Bisop eo am̧ ekōņaan jipan̄ eok, ak eļan̄n̄e ewōr am̧ inepata me maron̄ mejeļan jen rikaki in loļo̧k m̧ōko ro am̧, juon iaan rikakpilōklōk ro an bisop eo, ak būreejtōn eo an Doulul eo an Kōrā ro am̧ ak būreejtōn eo an doulul eo an elder ro am̧, etal ippāer m̧okta. Ewōr unin kūr ko aer! Rej pād ijeņ n̄an jipan̄ eok im bar kōm̧m̧an bwe bisop eo en m̧ad ilo men ko wōt e emaron̄ kōm̧m̧ani.
Kōtļo̧k bwe en kōm̧m̧an bōd. Ilo an āinwōt bōlen bisop eo am̧kanooj jejjet n̄an kūr eo an, e ejjab wānōk. Ej pere e make, im ej kōm̧m̧ani bōd ko. Ak ilo m̧ool ej lukkuun iakwe eok im kōm̧m̧an jabdewōt men emaron̄e n̄an kūr eo an. Jab ņooj jabdewōt n̄an e. An ļapļo̧k an jeļā kōn eok im jekjek eo am̧, eļapļo̧k wōt an naaj maron̄ jipan̄ eok.