Kajedeede Iakwe eo an Anij
Jem̧aan ļo̧k n̄a im baam̧le eo aō kōm kar em̧akūt n̄an Kentucky. Ikar lukkuun illu kōnke kōm kar em̧akūt jān aolep ro m̧ōtta im baam̧le ko jet aō. Kentucky ekar lukkuun oktak jān ijo ikar iminene ie. Kar jinoin am kar etal im jar, ikar loe bwe ekar jab lukkuun lōn̄ armej ijo. Ke ij lo jon̄an an dik branch eo ij jar ie, ikar kālet bwe ijjeļo̧kin an jab em̧m̧an aō ļōmņak kake, inaaj kōm̧m̧an jabdewōt men n̄an jipan̄ kake.
Raan eo tokālik, n̄a im jino kōm̧ro kar etal n̄an juon mōn wia. Mokta jān am kar etal jān m̧weo, ikar bōk jet kaat in leļo̧k an armej. Ke kōm ej tōpar mōn wia eo, ikar bōk juon candy im etal im kōļļāiki. Kājier eo ekar jikāāne candy, innem letoke. Ikar bar karool ļo̧k. Ekar tarpok ilo an reitok im eba, “Em̧ōj am̧ kōļļāiki men e, likatu en.”
Ikar ba, “Ijeļā, ak ij lewaj n̄an kwe menin juon am̧ menin letok. Innām ikar likūt kaat in leļo̧k eo ippān candy eo. Ekar ettōn̄ dikdik im kam̧m̧olool eō. Ekar lale likin kaat in leļo̧k eo, ijo em̧ōj aō je im ba, “Aolep armej rej nejin Anij.” Ikar rool ilo aō m̧ōņōņō, ijeļā bwe men̄e ekar jab kobatok ilo Kabun̄ in, ak ikar kōm̧m̧ane juon men eo em̧m̧an.
Tokālik ilo raan eo, ikar keememej bwe ikar meļo̧kļo̧k aolepān kaat in leļo̧k ko jet ilo jikin kōļļā eo! Iien eo tok juon kōm kar etal n̄an mōn wia eo, ikar kajjitōk eļan̄n̄e rej pād wōt ijo. Innem ikar lo juon men, im ikar bōjrak jidik. Emaron̄ tarrin in 5 jikin kōļļā ko an kājier ro kaat in leļo̧k ko rej pād ie ej ba, “Aolep armej rej nejin Anij.” Kājier eo ekar ajeji! Ikar lukkuun m̧ōņōņō kōn ta eo ikar kōm̧m̧ane.