Pagpakigbahin og Snacks ug mga Pahiyom

Kami si Sam ug Anastasia, ug naningkamot mi sa PAGPASIGA SA AMONG KAHAYAG pinaagi sa pagpakigbahin sa uban!

Sa Unsa nga Paagi Kami Makatabang?

Sa among gipuy-an, sa Florida, USA, makita namo ang daghang mga tawo nga walay mga balay. Naghunahuna mi unsaon namo sa pagtabang kanila. Gipakaon ni Jesus ang mga tawo nga gigutom, ug ang tanan kinahanglang mokaon! Mao nga nakahukom mi nga maghimo og emergency snack kits.

Pagpamalit og mga Suplay

Ang among higala nga si Joa mitabang namo sa pagpamalit og mga suplay sa dollar store.

Paghimo sa mga Kit

Gibutangan namo og mga granola bar, mga bread stick nga dunay cheese, ug ubang lami nga snacks ang among mga kit. Mitilaw gani si Sam!

Nindot gyud kaayo!

Ang pagpakigbahin sa among mga kit nakapahiyom namo. Ang pipila ka mga tawo miingon, “Salamat!” ug “Nindot gyud kaayo!”

Daghan Pang mga Kit

Gibutang ni mama ang proyekto sa online, ug ang branch sa young single adult nakahibalo bahin niini. Mihimo sila og 100 ka dugang mga snack kit alang sa among local homeless shelter. Ang shelter migamit niini sa pag-imbitar og mga tawo nga mopirma alang sa usa ka programa aron sa pagtabang nila nga makakuha og mga panimalay. Nakapalipay kaayo namo kana!