Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“Pe o le A Ou Oti?” itulau 12: O le i ai o se malamalamaaga i le fuafuaga o le faaolataga e taua i lo tatou alualu i luma e faavavau. Atonu e te suesue i le fuafuaga e ala i le faitauina o mau e pei o le 2 Nifae 2:22–25; 9:10–11; Alema 34:32–33; 40:11–14; 42:5–15; po o le Mataupu Faavae ma Feagaiga 76:30–113. E mafai ona outou fatufatuina se ata e ala i le auauai e tusi vaega taitasi o le fuafuaga o le faaolataga e faatatau i mau taitasi (tagai i le itulau e 54 o le Tala’i La’u Talalelei mo se faataitaiga o se ata). Atonu foi tou te faataitaia ona aoao atu mataupu faavae i le tasi ma le isi, ina ia mafai ona faamatala atu le fuafuaga o le faaolataga i se tasi o i ai ni fesili e uiga i ai.
“Su’e, Ave, Aoao Atu: Auai i le Lu’i a le Malumalu,” itulau 54: Pe ua e taliaina le lu’i? Ua valaaulia e Aposetolo a le Alii i tatou uma e “saunia ia tele ni igoa mo le malumalu e avea o ni papatisoga tou te faataunuuina i le malumalu, ma fesoasoani i se isi tagata ia faia foi faapea,” ma e mafai ona outou faia o se aiga! Ina ia aoao atili e uiga i le lu’i, asiasi i le templechallenge.lds.org ma iloa ai nisi o motugaafa o lea laasaga ma lea laasaga o talafaasolopito o aiga. E mafai ona outou faaaluina ni afiafi faaleaiga i le lumanai e saunia ai ni igoa mo le malumalu ma aoao atu i uo le ala e fai ai o latou lava talafaasolopito o aiga.