O Tali mai se Aposetolo
O a ki o le perisitua?
Saunia e Elder Gary E. Stevenson
O Le Korama a Aposetolo e Toasefululua
O ki o le perisitua e le o ni ki e mafai ona e tago i ai pe uu i lou lima, e pei o ki o se taavale. O se ki o le perisitua o le pule po o le faatagaga lea e galue ai i le suafa o le Tama Faalelagi. O ki o le perisitua e mafai ai e taitai o le Ekalesia ona faatonutonu le ala e faaaoga ai le perisitua i luga o le fogaeleele.
O loo i ai ia Iesu Keriso ia ki uma o le perisitua. Ina ua toefuatai mai le Ekalesia, sa Ia tuuina mai ki o le perisitua ia Iosefa Samita e galue ai o Lana perofeta. O loo i ai i le Au Peresitene Sili ma le Korama a Aposetolo e Toasefululua ia nei ki i le aso.
O le Au Peresitene Sili ma le Korama a Aposetolo e Toasefululua e faatonutonuina le ala e faaaoga ai le perisitua ia faamanuia ai fanau a le Tama Faalelagi. Latou te faasafua atu, pe tuu atu, nisi o ki o le perisitua i epikopo ma peresitene o paranesi.
Ona ua i ai ki o le perisitua i luga o le fogaeleele, ua mafai ona papatisoina ma faamauina i tatou, maua se faamanuiaga faaleperisitua pe a tatou mama’i, ma faamauina i le malumalu.