គំរូរបស់ព្រះអង្គសង្គ្រោះនៃ ការគោរពប្រតិបត្តិ

គំរូរបស់ទ្រង់បានកំណត់ដានសម្រាប់យើងទាំងអស់ដើម្បីធ្វើតាម ។

រូបភាព

Photograph of actor portraying Jesus Christ in the Bible Videos.

នៅក្នុងសន្និសីទទូទៅ ខែ មេសា ឆ្នាំ 2014 អែលឌើរ រ៉ូបឺត ឌី ហែល នៃកូរ៉ុមនៃពួកសាវកដប់ពីរនាក់ បានបង្រៀនថា « មេរៀនទាំងអម្បាលម៉ាន ដែលយើងរៀនពីឆាកជីវិតរបស់ព្រះសង្គ្រោះ គ្មានមេរៀនណាមួយដែលច្បាស់ និងមានអំណាចជាងមេរៀននៃការគោរពប្រតិបត្តិឡើយ » ។ គំរូរបស់ព្រះអង្គសង្គ្រោះមិនត្រឹមតែបង្រៀនយើងពី មូលហេតុ ដែលការគោរពប្រតិបត្តិចំពោះព្រះវរបិតាសួគ៌មានសារៈសំខាន់ប៉ុណ្ណោះទេ តែក៏ ពីរបៀប ដែលយើងអាចគោរពប្រតិបត្តិតាមផងដែរ ។ នៅពេលដែលអ្នកពិនិត្យនូវគំរូខាងក្រោមនេះពីការបង្រៀនរបស់ទ្រង់ឡើងវិញ សូមគិតពីរបៀបដែលវាអាចកំណត់ផ្លូវសម្រាប់អ្នកដើម្បីដើរតាមនៅក្នុងជីវិតរបស់អ្នក ។

1. ទោះបីជាព្រះយេស៊ូវគ្មានអំពើរបាបសោះ ក៏ទ្រង់ទទួលយកការជ្រមុជទឹកដើម្បី « ធ្វើសំរេចតាមគ្រប់ទាំងសេចក្តីសុចរិត » ( ម៉ាថាយ 3:13–17; សូមមើលផងដែរ នីហ្វៃទី2 31:4–7; យ៉ូហាន 3:5 ) ។

តើខ្ញុំអាចធ្វើអ្វីបាន ?

អែលឌើរ ហែលស៍ បានមានប្រសាសន៍ថា « ព្រះយេស៊ូវបានបង្រៀនយើងឲ្យស្ដាប់តាមភាសាដ៏សាមញ្ញដែលងាយយល់ថា ៖ ‹ បើអ្នករាល់គ្នាស្រឡាញ់ខ្ញុំ ចូរកាន់តាមបញ្ញត្តរបស់ខ្ញុំចុះ › [ យ៉ូហាន 14:15 ], និង ‘Come, follow me’ [ លូកា 18:22 ] » ។ តើអ្នកនឹងធ្វើអ្វីនៅថ្ងៃនេះ ដើម្បីគោរពប្រតិបត្តិឲ្យកាន់តែច្រើន ?

ដោយសារតែព្រះអង្គសង្គ្រោះយើងទ្រង់គោរពប្រតិបត្តិ

រូបភាព

អែលឌើរ រ៉ូបឺត ឌី ហែលស៍

« ដោយសារព្រះអង្គសង្គ្រោះយើងទ្រង់គោរពប្រតិបត្តិ ទ្រង់បានធ្វើឲ្យធួននឹងអំពើបាបរបស់យើង ដោយធ្វើឲ្យមានលទ្ធភាពនៃការរស់ឡើងវិញ ហើយរៀបចំផ្លូវសម្រាប់យើងត្រឡប់ទៅព្រះវរបិតាសួគ៌វិញ ជាអង្គដែលជ្រាបថាយើងនឹងមានកំហុស ពេលយើងរៀនគោរពប្រតិបត្តិក្នុងជីវិតរមែងស្លាប់នេះ ។ ពេលយើងគោរពប្រតិបត្តិ យើងទទួលយកពលិកម្មរបស់ទ្រង់ ដ្បិតយើងជឿថាតាមរយៈដង្វាយធួន នៃព្រះយេស៊ូវគ្រីស្ទ នោះមនុស្សលោកទាំងអស់អាចបានសង្គ្រោះតាមរយៈ ការគោរពតាមក្រិត្យវិន័យ ពិធីបរិសុទ្ធទាំងឡាយ និងបទបញ្ញត្តិដែលបានប្រទានឲ្យនៅក្នុងដំណឹងល្អ » ។

អែលឌើរ រ៉ូប៊ើត ឌី ហែលស៍ នៃកូរ៉ូមនៃពួកសាវកដប់ពីរនាក់ « ‹ បើអ្នករាល់គ្នាស្រឡាញ់ខ្ញុំ ចូរកាន់តាមបញ្ញត្តរបស់ខ្ញុំចុះ › » លីអាហូណា ខែ ឧសភា ឆ្នាំ 2014, ទំព័រ 35 ។