គំនិតទាំងឡាយសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ នៅខាងក្រោមជាគំនិតចំនួនពីរ ។
« ខ្ញុំត្រូវការទ្រង់ជានិច្ច » ទំព័រ 47 ៖ ដូចជាពាក្យនៅក្នុងទំនុកតម្កើងបានច្រៀងថា « ខ្ញុំត្រូវការទ្រង់ជានិច្ច » បានជួយឲ្យ ផាក មី ជុង សម្រេចចិត្តទទួលបុណ្យជ្រមុជទឹក ទំនុកតម្កើងអាចមានឥទ្ធិពលដ៏អស្ចារ្យក្នុងជីវិតរបស់យើងរាល់គ្នា ។ សូមគិតពីពេលវេលាមួយដែលពាក្យទាំងឡាយនៅក្នុងទំនុកតម្កើងបានប្រទានពរដល់ជីវិតអ្នក ហើយសូមគិតដល់ការចែកចាយបទពិសោធន៍នោះជាមួយនឹងក្រុមគ្រួសារអ្នក ។ សូមអញ្ជើញសមាជិកគ្រួសារម្នាក់ៗ ដើម្បីជ្រើសរើសទំនុកតម្កើងដែលពេញចិត្ត ហើយសូមប្រាប់ពីរបៀបដែលវាបានប្រទានពរដល់ជីវិតរបស់គេ ។ បន្ទាប់មក សូមច្រៀងចម្រៀងនីមួយៗជាមួយក្រុមគ្រួសារអ្នក ។ ( អ្នកអាចពន្លាតរបៀបនេះចេញជាពីរសប្ដាហ៍ ) ។
« ការអធិស្ឋាន និង ព្រះវិហារ » ទំព័រ 68 ៖ បន្ទាប់ពីអ្នកបានអានរឿងនេះ សូមបង្ហាញរូបភាពនៃព្រះវិហារ ឬរំឭកប្រាប់ពីព្រះវិហារផ្សេងៗគ្នាក្នុងទីក្រុងរបស់អ្នក ហើយសូមនិយាយពីសំណួរទាំងនេះជាមួយគ្រួសារអ្នក ៖ តើអ្វីខ្លះទៅជាភាពស្រដៀងគ្នាមួយចំនួន ដែលយើងមានជាមួយសាសនាដទៃទៀត ? តើព្រះវរបិតាមានអារម្មណ៍យ៉ាងណាចំពោះកូនចៅទាំងអស់របស់ទ្រង់ ? តើយើងគួរប្រព្រឹត្តចំពោះមនុស្ស ដែលមានជំនឿខុសគ្នាពីយើងដោយរបៀបណា ? សូមគិតពីការប្រើអត្ថបទនេះ « លំនឹងសេចក្ដីពិត និង ការអត់ឱន » ដោយអែលឌើរ ដាល្លិន អេក អូក នៃកូរ៉ុមនៃពួកសាវកដប់ពីរនាក់ ( លីអាហូណា, ខែ កុម្ភៈ ឆ្នាំ 2013, ទំព័រ 28–35 ) ដើម្បីជួយឆ្លើយនឹងសំណួរទាំងនេះ ។