Faamasani i Lo’u Tinamatua
E alala le tusitala i Virgina, ISA.
Mo se tasi o la’u galuega faatino a Tamaitai Talavou, sa ou ofo atu e fesoasoani i lo’u tinamatua e sue ona tuaa e ala i le faasolo i pepa o ata mataninii i le nofoaga autu o talafaasolopito o aiga i Mesa, Arisona, ISA. A o ma nonofo faatasi ma saili mo lo matou aiga, sa amata ona ou mafaufau: “Pe ua ou matua iloa moni ea ni mea se tele e uiga i lo’u tinamatua o le o loo ma sosoo lava?”
Na ma mauaina le toatele o tagata o le aiga, saunia a latou faamatalaga, ma o atu i le Malumalu o Mesa Arisona e faatino ai o latou papatisoga ma faamauga. E le’i umi lena, ae tuu mai e lo’u tinamatua ia te au se tuufaatasiga ua fusia o lona talafaasolopito o aiga.
Ona sa maua o ia i le mai o ponaivi, o lea e matua tiga ai lava mo lo’u tinamatua pe a talolomi. Ou te fiafia e fesoasoani ia te ia i luga o le komepiuta. Ma te tusia faatasi, tala mai lona olaga mo le manuia faaleagaga o lo matou aiga. Ou te fiafia e avea ma se vaega o lona olaga ma le aoaoina o le tele o mea e uiga i le talafaasolopito o le Ekalesia a o ma galulue i nei galuega faatino.