Mo Tamaiti Laiti
Sa Savali ma Savali ai pea Sara
E alala le tusitala i Iuta, ISA.
Sa osooso ma musamusa Sara. Ua saunia o ia e sopo faataamilo i le Vaituloto Siliva ma lona aiga. Sa tamoe agai atu i luma lona tuagane, o Iosua.
E lei umi ae amata ona lagonaina le vevela o le la i luga o lima o Sara. Sa amata ona vaivai ona vae.
“Aua le popole,” o le tala a Tina. “Ua toeitiiti tatou toe taunuu atu i le tatou taavale.”
Tapunia le Alalaupapa
Ona vaaia lea e Sara o se maea tele lanu moli o polokaina le auala. “Ua motu le auala laupapa,” le tala a Tama. “E tatau ona tatou toe savavali faataamilo i tua o le vaituloto.”
“Ae ua ou matuai vaivai lava!” o le tala lea a Sara.Sa nofo i lalo i le palapala Iosua ma faauu.
“Pe e te manatua le tala i le au paionia?” O le fesili lea a tina.
Na lue atu le ulu o Sara. E fiafia o ia i paionia.
“Sa tatau ona latou savavali i se auala umi lava,” o le tala lea Tina. “O nisi taimi sa matuai vevela lava, ma o nisi taimi sa matuai malulu lava. Ae sa latou savavali pea. Ina ua latou taunuu i lo latou aiga fou, sa latou fausia ni fale ma ni malumalu.”
Sa fiafia Sara na faaauau pea le savaliga a paionia. O le a ia savali ai pea foi. Sa aapa atu lona lima ia Iosua “Sau loa,” o lana tala lea. “O loo i ai nisi a tatou savaliga e fai.”