Kanus-a man dili tukma ang pagpakigbahin sa espirituhanong mga kasinatian?
Ang pagpakigbahin sa espirituhanon natong mga kasinatian ngadto sa andam nga maminaw niini usa ka talagsaong paagi sa pagpalig-on sa pagtuo ug pagpamatuod sa uban. Kon pananglit mibati ka nga giaghat sa pagsulti kabahin sa usa ka tubag sa pag-ampo, mas mohugot ang pagtuo sa uban nga matubag ang ilang mga pag-ampo. Apan kon ikaw adunay talagsa o halawum nga personal nga espirituhanong kasinatian, mas maayo nga dili nimo kini ipakigbahin gawas kon giaghat ka sa Espiritu Santo.
Si Presidente Boyd K. Packer, Presidente sa Korum sa Napulog Duha ka mga Apostoles, miingon:
“Akong nakat-unan nga ang lig-on, impresibo nga espirituhanong mga kasinatian dili sa kanunay moabut kanato. Ug kon mahitabo man, alang lamang gayud kini sa kaugalingon natong kaayohan, instruksyon, o pagkorihir. …
“Nagtuo usab ako nga dili maalamon ang pagpadayon og pagpanabi sa dili kasagaran nga mga espirituhanong kasinatian. Gikinahanglan ang pagmatngon niini ug ipakigbahin lamang kon ang Espiritu mismo moaghat kanimo sa paggamit niini alang sa kaayohan sa uban …
“Sa akong pagtuo, kinahanglan nga kita maghupot niining mga butanga ug mamalandong niini sa atong kasingkasing.”1