2012
Countdown alang sa Kinatibuk-ang Komperensya
Septyembre 2012

Countdown alang sa Kinatibuk-ang Komperensya

Makapangandam ka alang sa kinatibuk-ang komperensya pinaagi sa paggunting sa papel nga naa sa ubos ug pagpapilit sa isig ka tumoy aron maporma og kadena. Sa matag adlaw sulod sa duha ka semana sa dili pa ang komperensya, pagkuha og usa ka sumpay sa kadena ug buhata unsay nakasulat diha sa papel. Samtang magkamubo ang kadena, ang komperensya nagkaduol!

  1. Basaha ang mahitungod sa Liahona ni Lehi (tan-awa sa 1 Nephi 16:10, 28, 29 ug sa Alma 37:38–40). Sa unsang paagi ang pulong sa mga propeta susama sa Liahona alang sa mga pamilya karon?

  2. Pangitaa ang mga litrato sa propeta ug mga apostoles sa Mayo ug Nobyembre nga Liahona o sa lds.org/church/leaders ug ilha ang ilang mga pangalan.

  3. Hunahunaa nga gihangyo ka nga makigpulong sa Primary mahitungod sa mga propeta. Unsay imong isulti?

  4. Kantaha ang “Salamat, O Dios sa Propeta” (Mga Himno ug Mga Awit sa mga Bata, nu. 36).

  5. Unsa nga hilisgutan sa ebanghelyo ang gusto pa nimong makat-unan atol sa komperensya? Paghimo og lista sa mga pulong nga paminawon.

  6. Pag-ampo og tabang aron ma-focus ug mabati ang Espiritu atol sa komperensya. Mahimo sab kang mag-ampo alang sa mga lider sa Simbahan kinsa mopakigpulong.

  7. Ipakigbahin ngadto sa imong mga ginikanan og mga sakop sa pamilya nganong nagpaabut ka sa komperensya.

  8. Basaha ang mahitungod ni Haring Benjamin nga namulong sa iyang katawhan (tan-awa sa Mosiah 2:1, 5, 9, 41). Sa unsang paagi nga sama kini sa kinatibuk-ang komperensya?

  9. Pag-drawing og litrato sa paborito nimong propeta gikan sa mga kasulatan.

  10. Paghimo og journal diin imong masulat o maka-drawing og mga hulagway mahitungod sa mga pakigpulong atol sa komperensya. Makita nimo ang pwedeng i-imprinta nga notebook alang sa komperensya diha sa lds.org/general-conference/children.

  11. Kantaha ang “Sunda ang Propeta” (Songbook sa mga Bata, 58–59).

  12. Basaha ang mahitungod sa matarung nga mga Nephite sa 4 Nephi 1:12–13, 16. Unsay ilang gihimo dihang nagkatigom sila?

  13. Basaha ang istorya sa “Misyonaryo nga Higala” sa pahina 60 niining isyu.

  14. Hisguti ang mahitungod niini nga pagtulun-an gikan ni Elder M. Russell Ballard: “Kon maminaw kamo sa buhing propeta ug mga apostoles ug mopatalinghug sa among tambag, dili kamo mahisalaag” (“They Spoke to Us,” Liahona, Hulyo 2001, 116.)

Paghulagway ni Brad Teare