ʻOkú Ke ʻIloʻi Koā ʻa e Houʻeiki Fafine ʻi he Folofolá?

Vakai angé pe te ke lava ʻo fakatauhoa ʻa e ngaahi fakamatala ʻo e kakai fefine mei he folofolá mo honau ngaahi hingoá. Fakaʻaongaʻi e ngaahi fakamoʻoni folofolá kapau te ke fie maʻu ha tokoni.

1. Naʻe fakafiemālieʻi au ʻe hoku husepānití ʻi heʻeku loto mamahi koeʻuhí ko e ʻalu ʻa ʻeku fānau tangatá ʻi ha fononga fakatuʻutāmaki (vakai, 1 Nīfai 5:1, 6).

2. Ne u hoko ko ha tamaioʻeiki ʻi he fale ʻo e Tuʻi ko Lamonaí pea naʻe taʻu lahi ʻeku ului ki he ʻEikí kimuʻa pea toki ului e tuʻí (vakai, ʻAlamā 19:16).

3. ʻI he taimi naʻe mālōlō ai hoku husepānití, ne u “pīkitai” ki heʻeku faʻē ʻi he fonó pea talaange ki ai ʻe hoko hono kakaí ko hoku kakai pea ko hono ʻOtuá ko hoku ʻOtua (vakai, Lute 1:14, 16).

4. ʻOku ʻasi hoku hingoá ʻi he Fuakava Foʻoú pea mo e Tohi ʻa Molomoná. ʻOku fakamatalaʻi au ʻo pehē ʻoku ou “fuʻu hoihōifua ʻaupito mo hinehina” ea “ko ha meʻangāue mahuʻinga ia kuo fili” (vakai, 1 Nīfai 11:13; ʻAlamā 7:10).

5. Ne u “[fili] ʻa e meʻa leleí” ʻi he fanongo ki he ngaahi folofola ʻa Sīsū Kalaisí ʻi Heʻene ʻaʻahi ange ki hoku fāmilí ʻi Pētaní (vakai, Luke 10:42).

6. Ne ʻaukai hoku kakaí maʻaku ʻi heʻeku ʻalu ʻo kole ki he tuʻí ke fakahaofi kinautolú (vakai, ʻĒseta 4:16).

7. ʻOku ʻuhinga hoku hingoá ko e “faʻē ia ʻo e kakai moʻui kotoa pē” (vakai, Sēnesi 3:20).

8. Naʻe ui au “ko e fefine kuo fili” ʻi he Tokāteline mo e Ngaahi Fuakavá, pea ne u “fili ha ngaahi himi toputapu” (vakai, T&F 25:3, 11).

9. Ne u uitou ʻi he meimei taʻu ʻe 84 ʻi he taimi ne u feʻiloaki ai mo e valevale ko Sīsuú ʻi he temipalé (vakai, Luke 2:36–38).

10. ʻI he taimi naʻe liliu ai ʻe he ʻEikí e hingoa hoku husepānití, naʻá Ne liliu mo hoku hingoá ki ha hingoa ʻoku ʻuhinga ko e “pilinisesi” (vakai, Sēnesi 17:15).

1. Mele, faʻē ʻa e ʻEikí

2. Selaia

3. ʻAna

4. ʻIvi

5. ʻĀpisi

6. Sela

7. ʻĒseta

8. Mele, tokoua ʻo Maʻatá

9. ʻEma Sāmita

10. Lute