Mana‘o
Hoê avei‘a faufaa mau
Te Liahona o to’u ïa tapa‘o ava i roto i teie oraraa. Ia te reira, eita roa vau e mo‘e atu. Te ti‘aturi nei au e te feia atoa e tai‘o nei i te mau ve‘a a te Ekalesia e ite ti‘a ratou i te mea ta ratou e hinaaro. E peresideni paraimere au, e te ite nei au e mea au roa na te tamarii e faaroo i te mau aamu no ni‘a i te tahi atu mau tamarii mai ia ratou ra i roto i te ve‘a. Te Liahona o te hoê ïa avei‘a faufaa roa i roto i to tatou oraraa ; e tauturu te reira ia tatou ia ape i te mau marei a Satane.
Yanina Ivanivna Davydenko, no Ukraine
E faatae te mau iteraa i te tamahanahanaraa
Ua tauturu mau te Liahona ia’u nei na roto i ta’na mau poro‘i e ta’na mau parau papa‘i. I roto i teie oraraa arepurepu to tatou, e mea au na’u ia faaea i te tahi taime o te mahana no te tai‘o i te hoê parau papa‘i i roto i te ve‘a o te faaite ra i te iteraa no te tahi mau melo. Tamau noa teie mau parau papa‘i i te tauturu ia’u no te ite i te tahi tamahanahanaraa i te pae varua e te faaapîraa i to’u hinaaro ia ho‘i i mua i te aro o te Atua e o Iesu Mesia e to’u utuafare.
João Carlos, no Paratira