Ati a‘e te Ekalesia
Aru‘i himeneraa i Puerto Rico, tauasini ti‘ahapa taata tei tae mai
I te 18 no titema 2011, ua amui mai te mau melo no na tĭtĭ e pae no Puerto Rico i roto i te hoê aru‘i himeneraa no te noera i Paseo de las Artes i te oire no Caguas. Piri atu i te 85 melo o te Ekalesia tei himene, e e 2 500 ti‘ahapa taata o te oire tei tae mai.
Fare putuputuraa apî na te feia apî paari, te toruraa i Afirita.
I te 4 no novema 2011, ua rave te feia apî paari no te tĭtĭ no Soweto South Africa (Afirita apatoa) i ta ratou faaoaoaraa matamua i roto i te hoê fare apî o te faaohipa-noa-hia ei fare putuputuraa na te feia apî paari.
Hau atu i te 140 fare putuputuraa e vai ra na Europa, e te tahi i tera e tera vahi i te mau Hau Amui no Marite. Te fare putuputuraa i Soweto o te toruraa ïa i Afirita ; te tahi te vai ra i te fenua Repupirita Hau Manahune no Congo e i Zimbabwe.
Rave‘a taa ê mau, maa uiraa te matara mai
Te hoê noa peperu api tei riro ei haamataraa no te « Questions for God [Uiraa i te Atua] » te faaoaoaraa misionare i Nizhniy Novgorod, i Rusia, i te 9 no atopa 2011.
No te roaraa e hitu hora, hau atu i te 150 taata tei tapiri mai i na airaa maa e piti i roto i te hoê aroa rahi, e ua rave i te peni tara, e ua papa‘i i ta ratou mau uiraa. I te hopea, e 84 uiraa tei papa‘ihia i ni‘a i te peperu api. E rave rahi taata tei parau i to ratou hiaai ia pahono mai te mau misionare i reira.