Toʻu Tupú
Ko e Mālohi ʻo e Lotú
Ko e lotú ko e taha ia ʻo e ngaahi founga maʻongoʻonga mo mahuʻinga taha ke fehokotaki, fefolofolai, pea fakafiemālieʻi ai kitautolu ʻe heʻetau Tamai Hēvaní.
Lolotonga ʻa ʻeku lotu ʻi ha pō ʻe taha, ne u fakakaukau ai ki he ngaahi meʻa ʻoku fie maʻu ʻe hoku fāmilí, ngaahi meʻa ʻoku ou houngaʻia aí, pea pehē foki ki he ngaahi meʻa ne fie maʻu ke u fakatomalaʻí. Hili pē ʻeku lotú, ne u fakakaukau ki he ngaahi meʻa ʻo e māmaní ʻa ia ʻe lava ke nau tohoakiʻi ʻeku tokangá mei heʻeku ngaahi taumuʻá.
Ka ʻi he lolotonga ʻeku lotú, ʻoku ou ongoʻi kapau te u lotu fakamātoato pea ʻi he loto fakatōkilalo, ʻe maʻamaʻa ʻa ʻeku ngaahi kavengá, fakamaʻa ʻa ʻeku ngaahi angahalá, pea maʻu mo e tali ki heʻeku ngaahi palopalemá. ʻOku ou ʻiloʻi ʻa ʻeku ongoʻi vāofi mo e ʻOtuá lolotonga ko ia ʻeku lotú. ʻOkú ne fakahaaʻi mai ʻa hotau mahuʻinga ʻi he ʻao ʻo e ʻOtuá. ʻOku ou fakamoʻoni ko e lotú ko e taha ia ʻo e ngaahi meʻa mālohi mo mahuʻinga taha ʻe lava ke tau faí.