Siela Leone

Naʻe fanongo ha tangata Siela Leone ko Maikeli Samula ki he ongoongoleleí ʻi Hōlani he 1981 pea naʻe papitaiso ia ai. ʻI heʻene foki hake ki Filītauni, ko e kolomuʻa ʻo Siela Leoné, naʻá ne kole ke ʻalu ange ha kau faifekau, kae tupu mei he teʻeki ai maau e Siasí ke ʻave ha kau faifekau ki aí, naʻe ʻave pē ki ai e ngaahi tohi ʻa e Siasí. Naʻe kamata akoʻi ʻe Misa Samula ha niʻihi kehe mo fakahoko ha ngaahi fakataha ʻiate kinautolu pē. Naʻe fai e meʻa tatau ʻe he kāingalotu naʻe papitaiso ʻi he ngaahi fonua kehe ka kuo nau foki mai ki Siela Leoné.

Naʻe hoko e taʻu 1988 ko ha makamaile ki he fonuá. Naʻe fakahoko e fuofua fakataha totonú ʻi Sānuali pea naʻe tokangaʻi pē ia ʻe ha mēmipa naʻe papitaiso ʻi Siamane. Ne tūʻuta ange ha ongo faifekau mali ʻi Mē, pea fakahoko ʻa e fuofua papitaiso ʻe 14 ʻi he fonuá ʻi Sune. Naʻe fokotuʻu ʻa e fuofua koló—ʻa e Kolo Kotelisí—ʻi ʻAokosi. Naʻe fakahoko e tanupou ki he fuofua falelotu ʻo e Siasí ʻi Siela Leoné ʻi he 2004.

Ko e Siasí ʻi Siela Leone
Tokolahi ʻo e Kāingalotú	8,907
Ngaahi Misioná	1
Ngaahi Vahefonuá	2
Ngaahi Koló	23

Siela Leone

Kini

Laipīlia

Filītauni

ʻŌseni ʻAtalanitikí

ʻAfilika