O Tusitusiga Paia O Lo’u Taula

Giccelly D., Venesuela

Ina ua ou amata i le seminare o se tagata fou o le Ekalesia, ou te lei mafaufauina lava o le a avea tusitusiga paia ma o’u taula, ma o’u talita ma puipuiga, ma o’u faamafanafanaga ma fiafiaga. Na ou iloa e ala i tusitusiga paia ia tagata totoa o le Atua o e na tau mo o latou talitonuga ma o latou aiga ma sa le aunoa ona fetaomi pea i luma, tumau ma mausali ia Keriso. Sa lotomaulalo, onosai, ma tumu i le alofa, alofa mama, ma faatuatua. Ou te iloa sa i ai le naunautaiga i o latou loto mo i tatou i o tatou aso e ola i mataupu faavae taitasi o loo aoaoina i tusitusiga paia.

O nei toa taitasi uma o tusitusiga paia sa latou faia se aafiaga mo a’u, ao le tagata e sili ona ou fiafia i ai o le tagata na lotomaulalo ma usiusitai mai lava i lona laitiiti, o lē na ia faia le faataitaiga atoatoa, o lē e sili ona nofo aitalafu ai tagata uma. O lena tagata o Iesu Keriso. E leai ni a’u upu e faamatala ai lo’u agaga faafetai ia te Ia.

Na aoao mai a’u i le seminare e le na o le tuu o tusitusiga paia i o tatou mafaufau ae ao foi ona faatino i o tatou olaga. Ou te faafetai tele i o’u faiaoga lelei taitasi uma, o e na avea moni ma meafaigaluega i aao o le Alii.