O La Tatou Itulau
O nisi taimi ou te lagona ai e pei ou te le malamalama i se mea e uiga i le Ekalesia pe ou te lagona foi e le lava lou faatuatua i se mea faapitoa. Soo se taimi lava ou te maua ai lenei lagona, ou te tatalo ai i le Tama Faalelagi mo se fesoasoani. E toeitiiti lava o taimi uma ou te maua ai se tali. Ou te matua lagonaina le mafanafana ma le saogalemu, ma ou te mauaina le lagona e faafofoga mai le Atua i au tatalo ma e alofa tele ia te au. O nei aafiaga e fesoasoani e faatupuina ai la’u molimau ma lo’u alofa i le Atua.
Ou te iloa o le Atua o lo tatou Tama ma e alofa tele ia i tatou uma lava taitoatasi. E faafofoga o Ia i o tatou faafitauli ma auina mai le Agaga Paia e faamafanafana i tatou. Ou te iloa e faafofoga o Ia ia tatou tatalo ma e fiafia pe a tatou amiotonu. E faatumulia au i le fiafia i le iloa lea e alofa le Atua ia te au ma o au o se tagata o le Ekalesia. Ou te iloa o Iesu Keriso o Lona Alo ma o lo tatou Faaola.
Deveney R., 11 tausaga, Suitiselani
Carlos D., 8 tausaga, Pasila
Viet Minh Tri P., 10 tausaga, Kemupotia
Daniel K., 7 tausaga, mai Tenimaka, o se alii fiafia ma le lototele. E fiafia o ia e fesoasoani i le togalaau. E fiafia foi o ia e fesoasoani i le kuka—ae maise lava le oloina o le paluga falaoamata mo le pisa [pizza]. E galue malosi o ia i le aoga ma e fiafia e taalo soka, alu e aau, ma peapea i laau. E fiafia o ia e fesoasoani e faamumu le afi i gaoioiga a le Sikauti. I le lotu e fiafia tele i tala ia Iosefa Samita ma Iesu, ma e fiafia tele e usu le “Filifili Tau o Mea Tonu.”