Mai le Soifuaga o le Perofeta o Iosefa Samita

O Musumusuga a se Perofeta

Mai Aoaoga a Peresitene o le Ekalesia: Iosefa Samita (kosi aoao a le Perisitua Mekisateko ma le Aualofa, 2007), 301–03, 308.

E oo atu ia Novema o le 1833 o le toatele lava o le Au Paia o Aso e Gata Ai i Jackson County, Misuri, ua sauaina ma tutuli ese mai o latou fale.

I le 1834 na poloaiina ai e le Alii ia Iosefa Samita e faatulaga se vaega o le Au Paia o Aso e Gata Ai e savavali mai Katelani, Ohaio, e agai atu i Jackson County, Misuri. Sa ta’ua lea vaega o le Tolauapiga a Siona.

Ou te manaomia ni alii se toatele e mafai ona o mai. O le a tatou savavali atu i Jackson County e toe aumai fanua na aveeseina mai ia i tatou.

E sili atu i le 200 tagata na savavali i le silia ma le 900 o maila (1,450 km). Na masani ona le lava a latou meaai po o vai. Sa filifili nisi o alii e finau ma faitio i le Perofeta.

Ua ou lelava savali i le mamao. Matou te manaomia ni meaai e lelei atu.

Ou te lei mafaufauina o le a matua faigata faapenei.

Ua ou misia lo’u toalua ma la’u fanau.

O se tasi aso, a o sopoia se vaivai, sa paulia se tasi o taavale solofanua.

Ua le minoi.

E le mafai ona ou toe faia lenei mea. O le a ou alu i le fale.

Aua tou te fiu, alii. Uumau le maea lea ma toso.

I nai aso mulimuli ane, i le lelavava o alii mai le asaina o se vaitafe, na latou maua ai se nofoaga manaia e tolauapi ai. O le taimi muamua lea i se taimi umi na latou lagonaina ai le fiafia.

Alii e, ua ou lagonaina e tatau ona tatou malaga teisi atu i luma. Mulimuli mai ia te au.

Sa matou malaga i le aso atoa ma ua fia aai ma lelavava.

Ia alu pea oe, ae o le a matou nonofo iinei.

Sa malaga loa Iosefa ma se vaega o ni alii faamaoni mo le tusa ma le isi fitu maila (11 km).

O le a ou mulimuli atu i lau taitaiga, Iosefa.

Faafetai lava, Polika.

Masalo e tatau ona tatou mulimuli ia Iosefa.

Ua lelei. Tatou o.

Mulimuli ane, na maua ai e alii o le Tolauapiga a Siona se lipoti.

Sa i ai se vaega leaga o alii na faatulagaina e osofaia i tatou i lena po, i le mea tonu lava na tatou filifili e tolauapi ai i le taimi muamua.

Ou te matua faafetai lava mo se perofeta.

Ata na tusia e Sal Velluto ma Eugenio Mattozzi