O Mai e Faalogo i le Siufofoga o se Perofeta
O Le Faaali Atu o le Alofa o loo i Lou Loto
Mai le “O Le Faitotoa o le Alofa,” Liahona, Oke. 1996, 4, 5, 6.
E ese le fiafia o Peresitene Monson i solo. E masani lava ona ia sii mai ni solo i ana saunoaga, e aofia ai le solo ua ta’ua i lalo, “O Ai E Sili Lona Alofa?” Sa lolomiina i se tusi aoga tuai lena na fesoasoani e aoao ai tamaiti ia iloa faitau.
O le alofa e mafua ai suiga. O le alofa e aumaia le faamalologa i le agaga. Ae peitai o le alofa e le ola e pei o vao pe toulu e pei o le timu.
Na aoao mai Iesu, “O le poloaiga fou ou te tuu atu ai ia te outou, ia outou fealofani; faapei ona ou alofa atu ia te outou, ia fealofani foi outou” (Ioane 13:34).
E mafai ona aoao e tamaiti laiti le lesona o le alofa. E vave lava ona latou tali mai i se fuaiupu e fiafia i ai:
“Ou te alofa ia te oe tina,” o le tala lea a Ioane laititi;
Ona, galo ai lea o lana galuega, ae fai lona pulou,
Ma ua alu atu i le taupega i le togalaau,
Ae tuu i lona tina le lauina o fafie.
“Ou te alofa ia te oe, tina,” sa fai mai ai Neli alafau piniki;
“E le mafaamatalaina lo’u alofa ia te oe;”
Ona taufaalili ai lea ma faalii i le afa o le aso,
Seia oo ina fiafia lona tina ina ua alu o ia e taalo.
“Ou te alofa ia te oe, tina,” o le tala lea a le teineitiiti o Feni;
“O le a ou fesoasoani ia te oe i le mea e gata mai ai;
“Oka so’u fiafia ina ua leai se aoga!”
Ona ia luelueina ai lea o le pepe seia oo ina moe.
Ona, ia laalaa lemu atu lea, ma aumai le salu,
Ma salu ai le fola, ma tafi le pefu o le potu;
Sa pisi ma fiafia o ia i le aso atoa,
Loto fesoasoani ma fiafia e pei o se tamaitiiti.
“Ou te alofa ia te oe, tina, ” na latou toe fai mai ai—
O le a o le fanau iti e toatolu e momoe;
O le a sou manatu, o le a se mate a tina
O ai o i latou na alofa moni ia te ia?1
O le manao e siitia, o le naunau e fesoasoani, ma le agaalofa e foai atu e maua mai se loto ua tumu i le alofa. O le alofa moni o se ata lafoia o le alofa o Keriso. ●
Ata na tusia e Scott Jarrard