ARGËTIMI DHE MJETET E INFORMIMIT

Zgjidhni argëtim lartësues. Shmangni gjithçka që është e ulët, e pamoralshme, e dhunshme ose pornografike në çfarëdo mënyre. Zotohuni të mbani standardet e Perëndisë.

Me gjithë këto lloje argëtimesh përreth nesh, zgjedhjet mund të jenë trullosëse. Këtu janë disa udhëzime që të na ndihmojnë të zgjedhim argëtim lartësues:

1. Para se të luani me një video game ose të shihni një film, shqyrtoni kategorizimin dhe përmbajtjen.

2. Pyeteni veten nëse ka material të papërshtatshëm në lojë ose film, pavarësisht nga kategorizimi. Shmangni gjithçka që e largon Shpirtin.

3. Nëse materiali është i papërshtatshëm, është krejt në rregull të largoheni, ta fikni ose ta lini.

4. Kërkoni lojëra, filma dhe muzikë që ngrenë moralisht dhe që gjithashtu gjallërojnë mendimin.

5. Zbuloni botën që gjendet larg televizionit, celularëve dhe kompjuterave, të tilla si marshimet, ecjen me biçikletë, mësimin e një aftësie të re ose mësimin për kultura të tjera.

6. Shijoni aktivitete që jua mbajnë mendjen aktive dhe trupin në rregull fizikisht.

Cilat janë standardet e Perëndisë që mund të na udhëzojnë për përzgjedhjen e mjeteve të informacionit? “Në qoftë se ka diçka të virtytshme, të dashur ose me famë të mirë apo të denjë për t’u lavdëruar, ne i kërkojmë këto gjëra” (Nenet e Besimit 1:13).