Te vai nei te Tabula o te mau Oroʻa i niʻa i te Itenati

Te vai nei te iritiraa apî no te FamilySearch™ no te tabula o te mau oroʻa no te taime matamua i niʻa i te tahua www.familysearch.org. Tei roto i te reira te mau oroʻa hiero atoa tei ravehia no te feia pohe. E nehenehe te mau melo e fanaʻo i teie mau faanahoraa no te hiʻo e, ua oti anei te oroʻa hiero no te hoê taata tei pohe hou oia a faatae ai i te mau iʻoa i te hiero. Na te reira e faaiti i te taime pau no te rave na niʻaihoraa te oroʻa.

Tau mirioni o te mau iʻoa tei tuuhiaʼtu i roto i teie tabula, e faaravaʻihia te reira i te mau hepetoma atoa ia nehenehe te mau melo ia ani i te haamaramaramaraa no to ratou ra mau tupuna.

No te faaô e no te farii i te tomo i roto i te haamaramaramaraa no te oroʻa, e titauhia i te mau melo o te Ekalesia ia faaite i to ratou numera parau meloraa e te taiʻo mahana no to ratou haamauraa. E roaa te reira i to outou ra papaʻi parau paroita e te amaa.

E nehenehe ta te mau melo e haere i niʻa i te itenati i to ratou iho fare mai te mea te vaira te reira raveʻa ia ratou e aore râ, na roto i te pû tuatapaparaa utuafare o to ratou ra vahi e haere i niʻa i te itenati mai te mea ua tuʻatihia ratou i niʻa i te itenati. Mai te mea aita â, farerei atu i te Pû Tuatapaparaa Utuafare a te Ekalesia no te aniraa i te parau faatiʻa ia tuʻatihia outou i niʻa i te itenati.