Ġesù Kristu huwa s-Sodizza tal-Ġenituri
Għinu lil uliedkom jibnu fidi f’Ġesù Kristu, iħobbu lill-evanġelju tiegħu u lill-Knisja tiegħu, u jitħejjew biex jgħixu ħajjithom jagħżlu t-tajjeb.
Darba fost l-oħrajn, wieħed missier kien se joħroġ filgħaxija biex jattendi laqgħa tal-veskovat. Bintu ta’ erba’ snin ġiet quddiemu, liebsa għas-sodda, u b’kopja ta’ Stejjer mill-Ktieb ta’ Mormon f’idha.
“Għalfejn trid tmur il-laqgħa?” staqsietu.
“Għax jien kunsillier fil-veskovat,” weġibha.
“Imma inti l-papà tiegħi!” ipprotestat bintu.
Huwa niżel għarkupptejh quddiemha. “Qalbi,” qalilha, “jien naf li tixtieqni naqralek u noqgħod miegħek sakemm torqod, iżda llejla għandi bżonn ngħin lill-isqof.”
It-tifla weġbitu, “Mela l-isqof m’għandux papà biex joqgħod miegħu sakemm jorqod?”
Aħna eternament grati għall-membri bla għadd li jservu b’mod diliġenti fil-Knisja ta’ Ġesù Kristu kull jum. Is-sagrifiċċju tagħkom huwa verament sagru.
Iżda bħal ma din it-tifla tidher li fehmet, hemm xi ħaġa daqstant sagra—xi ħaġa li hi insostitwibbli—f’li ġenitur irabbi lil uliedu. Tirrifletti il-mudell tas-smewwiet.1 Missierna fis-Smewwiet, il-Ġenitur Divin tagħna, ċertament li jimtela bil-hena meta wliedu huma mgħallmin u mrawmin mill-ġenituri tagħhom fid-dinja.2
Ġenitiuri, nirringrazzjawkom ta’ dak kollu li qed tagħmlu biex trabbu lil uliedkom. U intom l-ulied, grazzi għal dak kollu li qed tagħmlu biex trabbu lill-ġenituri tagħkom, għax bħalma jaf kull ġenitur, aħna ta’ spiss nitgħallmu mingħand uliedna dwar il-fidi, it-tama, u l-karità, daqskemm huma jitgħallmu minna!3
Il-Ġenituri Għandhom Dmir Sagru
Qatt ħsibtu ftit dwar ir-riskju tremend li jieħu Missierna fis-Smewwiet kull darba li jibgħat tarbija fid-dinja? Dawn huma l-ulied spirti tiegħu. Għandhom potenzjal bla tarf. Huma ddestinati li jsiru esseri glorjużi ta’ tjubija, grazzja, u verità. Madanakollu huma jiġu fid-dinja kompletament dgħajfin, kważi bla kapaċità ta’ xejn ħlief biex jibku għall-għajnuna. Il-memorja taż-żmien tagħhom fil-preżenza ta’ Alla hija mtaffija, flimkien mal-għarfien ta’ min vera huma u min jistgħu jsiru. Huma jsawru l-fehma tagħhom tal-ħajja, tal-imħabba, ta’ Alla, u tall-pjan tiegħu, ibbażata minn dak li josservaw min-nies ta’ madwarhom—speċjalment il-ġenituri tagħhom, li, sewwasew, ikunu għadhom huma stess qed jippruvaw jifhmu x’inhu jiġru.
Alla ta lill-ġenituri id-“dmir sagru li jrabbu lil uliedhom fl-imħabba u fis-sewwa, li jipprovdulhom għall-bżonnijiet fiżiċi u spiritwali tagħhom, li jgħallmuhom … josservaw il-kmandamenti ta’ Alla.”4
Dan biżżejjed biex iżomm anki lill-aqwa ġenituri mqajmin matul il-lejl.
Il-messaġġ tiegħi għall-ġenituri kollha hu dan:
Il-Mulej iħobbkom.
Hu jinsab magħkom.
Huwa jieqaf magħkom.
Huwa l-qawwa tagħkom intom u tiggwidaw lil uliedkom jagħmlu l-għażliet tas-sewwa.
Aċċettaw dan il-privileġġ u r-responsabbiltà b’kuraġġ u b’hena. Tiddelegawx dan is-sors ta’ barkiet mis-smewwiet lil xi ħadd ieħor. Fi ħdan il-qafas ta’ valuri u prinċipji tal-evanġelju, għandkom tkunu intom li tiggwidaw lit-tfal tagħkom fid-dettalji tad-deċiżjonijiet tal-ħajja ta’ kuljum. Għinu lil uliedkom jibnu fidi f’Ġesù Kristu, iħobbu lill-evanġelju tiegħu u lill-Knisja tiegħu, u jitħejjew biex jgħixu ħajjithom jagħżlu t-tajjeb. Infatti, dan huwa l-pjan ta’ Alla għall-ġenituri.
Satana se jopponikom, ifixkilkom, jipprova jaqtagħlkom qalbkom.
Iżda kull tarbija rċeviet id-Dawl ta’ Kristu bħala linja diretta lejn is-smewwiet. U s-Salvatur se jgħinkom, jiggwidakom, u jqawwilkom qalbkom. Fittxu l-għajnuna tiegħu. Staqsu lill-Mulej!
Daqskemm Ġesù Kristu huwa s-sodizza taż-żgħażagħ, Ġesù Kristu huwa wkoll is-sodizza tal-ġenituri.
Huwa Jkabbar l-Imħabba
Xi drabi forsi nistgħu nistaqsu jekk xi ħadd ieħor seta’ kien ikkwalifikat aħjar biex jiggwida u jgħallem lil uliedna. Iżda irrispettivament minn kemm tistgħu tħossukom inadegwati, intom għandkom xi ħaġa li tikkwalifikakom b’mod uniku: l-imħabba tagħkom għal uliedkom.
L-imħabba ta’ ġenitur għal uliedu hija waħda mill-iktar forzi qawwija fl-univers. Hija waħda mill-ftit affarjiet f’din id-dinja li jistgħu tabilħaqq ikunu eterni.
Issa forsi tħossu li r-relazzjoni ma’ wliedkom mhix propja ideali. Hemmhekk fejn tidħol il-qawwa tas-Salvatur. Hu fejjaq lill-morda, u jista’ jfejjaq ir-relazzjonijiet. Huwa jimmultiplika l-ħobż u l-ħut, u jista’ jimmultiplika l-imħabba u l-hena f’darkom.
L-imħabba tagħkom għal uliedkom toħloq ambjent għani biex tgħallem il-verità u tibni l-fidi. Agħmlu lil darkom dar tat-talb, tagħlim, u fidi; dar ta’ esperjenzi hienja, post ta’ appartenenza, dar ta’ Alla.5 U “itolbu lill-Missier bil-qawwa kollha ta’ qalbkom, sabiex tkunu mimlijin bl-imħabba [tiegħu], li huwa [isawwab] fuq … dawk kollha li huma dixxipli vera ta’ Ibnu, Ġesù Kristu.”6
Huwa Jkabbar Sforzi Żgħar u Sempliċi
Qawwa oħra li għandek, bħala ġenitur, hija l-opportunità ta’ influwenza ta’ kuljum u kontinwa. Ħbieb, għalliema, u influwenti tal-midja jmorru u jiġu. Imma intom tistgħu tkunu l-influwenza l-iktar konsistenti u persistenti fil-ħajja ta’ wliedkom.
L-isforzi tagħkom jafu jidhru żgħar meta mqabbla mal-vuċijiet għolja li wliedkom jisimgħu fid-dinja. Xi kultant, tafu tħossukom li m’intomx tagħmlu wisq suċċess. Iżda ftakru li “permezz ta’ ħwejjeġ żgħar il-Mulej iġib fis-seħħ ħwejjeġ kbar.”7 Lejla waħda d-dar, taħdita waħda dwar l-evanġelju, jew eżempju wieħed tajjeb jafu ma jbiddlux il-ħajja ta’ wliedkom mil-lejl għan-nhar, daqs kemm qatra xita mhix se twassal biex pjanta tikber f’daqqa. Iżda l-konsistenza ta’ affarjiet żgħar u sempliċi, jum wara jum, irawmu lil uliedkom b’mod ħafna aħjar minn xi għargħar ta’ kultant.8
Dan huwa l-mod tal-Mulej. Huwa jkellem lilkom u lil uliedkom b’leħen sieket u ħelu, mhux b’leħen ir-ragħad.9 Huwa fejjaq lil Nagħman mhux permezz ta’ “xi ħaġa kbira” iżda permezz tal-att sempliċi u ripetut tal-ħasil.10 Ulied Iżrael ħadu gost bil-festa tas-summien fid-deżert, iżda dak li żammhom ħajjin kien il-miraklu żgħir u sempliċi tal-manna—il-ħobż tagħhom ta’ kuljum.11
Ħuti, il-ħobż ta’ kuljum huwa ppreparat u servut l-aħjar ġewwa d-dar. Il-fidi u t-testimonjanza huma mrawmin l-aħjar b’modi normali u naturali, bilmod, f’mumenti żgħar u sempliċi, fil-korsa kostanti tal-ħajja ta’ kuljum.12
Kull mument huwa mument ta’ tagħlim. Kull kelma u għemil tagħkom jistgħu jkunu gwida biex jittieħdu d-deċiżjonijiet.13
Forsi mhux se taraw l-effett immedjat tal-isforzi tagħkom. Imma taqtgħux qalbkom. “Kollox jiġi fis-seħħ fi żmienu,” qal il-Mulej. “Għalhekk, qatt tieqfu tagħmlu t-tajjeb, għaliex intom qed tibnu l-pedament ta’ ħidma mill-aqwa.”14 Liema ħidma tista’ tkun ikbar milli li tgħin lill-ulied prezzjużi ta’ Alla jitgħallmu min fil-fatt huma u jibnu l-fidi tagħhom f’Ġesù Kristu, l-evanġelju tiegħu, u l-Knisja tiegħu? Ġesù Kristu jbierek u jkabbar l-isforzi konsistenti tagħkom.
Hu Jagħti Rivelazzjoni
Mod qawwi ieħor li bih il-Mulej jissapportja lill-ġenituri hu permezz tad-don tar-rivelazzjoni personali. Huwa ħerqan biex iferra’ l-Ispirtu tiegħu ħalli jiggwida lill-ġenituri.
Hekk kif idduru għat-talb u tkunu sensittivi għall-Ispirtu, Hu jwissikom dwar perikli moħbijin.15 Huwa jiżvela d-doni ta’ wliedkom, l-abbiltajiet tagħhom, u l-preokkupazzjonijiet li ma jingħadux.16 Alla jgħinkom taraw lil uliedkom kif jarahom Hu—lil hinn mid-dehra ta’ barra u fil-fond ta’ qalbhom.17
Bl-għajnuna ta’ Alla, tistgħu titgħallmu tagħrfu lil uliedkom b’mod pur u divin. Jien nistedinkom taċċettaw l-offerta ta’ Alla li jgħinkom tiggwidaw lill-familja tagħkom permezz ta’ rivelazzjoni personali. Fittxu l-gwida tiegħu fit-talb tagħkom.18
Bidla Setgħana
Forsi l-iktar għajnuna importanti li Ġesù Kristu joffri lill-ġenituri hija l-“bidla qawwija” f’qalbkom.19 Huwa miraklu li kull wieħed u waħda minna neħtieġu.
Għall-mument, immaġinaw dis-sitwazzjoni: Tinsabu l-knisja, u qed tisimgħu diskors dwar il-familji. Il-kelliem jiddeskrivi dar perfetta u saħansitra familja aktar speċjali. Ir-raġel u l-mara qatt ma jitlewmu. It-tfal jieqfu jaqraw l-iskrittura tagħhom biss met jkun sar il-ħin li jagħmlu x-xogħol tal-iskola. U l-mużika ta’ “Ħobbu ’l Xulxin”20 tinstema’ għaddejja fl-isfond. Qabel ma l-kelliem jasal biex jiddeskrivi kif kulħadd jingħaqad għalenija flimkien biex jaħslu l-kamra tal-banju, inti tkun diġà qed taħseb, “Il-familja tiegħi diżastru.”
Għeżież ħuti, serrħu moħħkom! Kulħadd fil-kongregazzjoni qed jaħseb l-istess! Il-fatt hu, il-ġenituri kollha jinkwetaw li huma mhumiex tajbin biżżejjed.
B’xorti tajba, hemm sors divin ta’ għajnuna għall-ġenituri: Dan hu Ġesù Kristu. Huwa s-sors tal-bidla setgħana fil-qalb tagħna.
Hekk kif tersqu eqreb lejn is-Salvatur u t-tagħlim tiegħu, Hu jurikom id-dgħufija tagħkom. Jekk tafdaw lil Ġesù Kristu b’qalb umli, Hu se jagħmel affarjiet dgħajfin isiru qawwijin.21 Huwa Alla tal-mirakli.
Dan ifisser li intom u l-familja tagħkom se tkunu perfetti qiskom tal-istejjer? Le. Imma se ssiru aħjar, Permezz tal-grazzja tas-Salvatur, ftit ftit, intom tiżviluppaw iktar mill-attributi li l-ġenituri jeħtieġu: imħabba għal Alla u għal uliedu, sabar, altruwiżmu, fidi fi Kristu, u kuraġġ biex nagħmlu t-tajjeb.
Ġesù Kristu Joffri Sapport permezz tal-Knisja Tiegħu
L-isforz tagħna biex nibnu fidi f’Ġesù Kristu huwa ċċentrat fid-dar, iffukat fuq l-individwu. U huwa ssaportjat mill-Knisja. Minbarra l-iskrittura sagra u kliem il-profeti, il-Knisja tas-Salvatur toffri ħafna riżorsi biex tgħin ġenituri u tfal jagħmlu deċiżjonijiet tajbin:
-
Għas-Sodizza taż-Żgħażagħ: Gwida għal Biex Tagħmel l-Għażliet ma jagħtikomx lista ta’ x’għandkom u x’ma għandkomx tagħmlu. Jgħallem veritajiet eterni biex jgħinkom tagħmlu deċiżjonijiet ċċentrati fuq il-ħajja u t-tagħlim ta’ Ġesù Kristu. Aqrawh ma’ wliedkom. Ħeġġiġhom jitkellmu dwaru. Għinuhom biex ikollhom dawn il-veritajiet eterni u divini jiggwidaw l-għażliet tagħhom.22
-
Il-konferenzi GħSŻ huma wkoll riżorsa mill-aqwa. Nittama li ż-żgħażagħ kollha jattendu. Nistieden lill-adulti żgħżagħ single biex jingħaqdu f’dawn il-konferenzi bħala mentors u kunsilliera. Nistieden lill-ġenituri jibnu fuq il-momentum spiritwali li ż-żgħażagħ jieħdu magħhom id-dar mill-konferenzi FSY.
-
It-tfal u ż-żgħażagħ fil-Knisja ta’ Ġesù Kristu tal-Qaddisin tal-Aħħar Żmien għandhom għalliema, konsulenti, u mentors. Ta’ spiss tidħol fil-ħajja ta’ żagħżugħ jew żagħżugħa f’mument kruċjali biex tibni u tissapportja l-fidi u t-testimonjanza. X’uħud fostkom huma adulti sigle. Uħud qatt ma kellkom tfal tagħkom. Is-servizz mimli hena lil ulied Alla huwa sagru f’għajnejn Alla.23
Qatt Taqta’ Qalbek mill-Miraklu
Għeżież ħbieb tiegħi, li tibni l-fidi f’tifel jew tifla aktarx jixbah lil xi ħadd li qed jgħin biex fjura tikber. Ma tistax iġġebbed iz-zokk biex ittawlu. Ma tistax tiftaħ il-blanzun b’idejk biex il-fjura toħroġ iktar kmieni. U ma tistax tinjora l-fjura u tippretendi li tikber u tifjorixxi waħedha.
Li tistgħu u li jeħtieġ li tagħmlu għall-ġenerazzjoni li għadha tielgħa hi li tipprovdu ħamrija rikka u nutrittiva, b’aċċess għall-ilma ġieri tas-smewwiet. Aqilgħu l-ħaxix ħażin u kull ħaġa li tgħatti x-xemx. Oħolqu l-aqwa kondizzjonijiet possibbli għat-tkabbir. Imbagħad, bil-paċenzja ħallu lill-ġenerazzjoni li għadha tielgħa tagħmel d-deċiżjonijiet ispirati, u ħallu lil Alla jwettaq il-miraklu tiegħu. Ir-riżultat ikun iktar sabiħ u iktar tal-għaġeb u iktar mimli hena minn kull ħaġa li stajtu tfasslu waħedkom.
Fil-pjan tal-Missier fis-Smewwiet, ir-relazzjonijiet tal-familji huma maħsubin li jkunu eterni. Dak huwa għaliex inti, bħala ġenitur, m’għandek qatt taqta’ qalbek, anki jekk ma tħoss l-ebda kburija minn kif marru l-affarjiet fil-passat.
Flimkien ma’ Ġesù Kristu, l-Imgħallem Fejjieq u Salvatur, dejjem jista’ jkun hemm bidu ġdid; Hu dejjem jagħtina t-tama.
Ġesù Kristu hu s-sodizza tal-familji.
Ġesù Kristu hu s-sodizza taż-żgħażagħ.
Ġesù Kristu hu s-sodizza tal-ġenituri.
Ta’ dan jiena nixhed f’isem Ġesù Kristu, ammen.