Traha Tempu pa Señor
Mi ta roga boso awe pa kombatí e kosnan atraktivo di mundu dor di traha tempu pa Señor den bo bida—kada i tur dia.
Mi kerido rumannan, durante dos dia nos a wòrdu siñá pa e sirbidónan di Señor ku a buska diligentemente pa sa kiko E lo ke pa nan bisa.
Nos a haña nos karga pa e siguiente seis luna. Awor e pregunta ta, kon nos lo ta diferente pa motibu di lokual nos a skucha i acsinti?
E pandemia a demostrá kon lihé bida por kambia, tin biaha di sirkunstansianan for di nos kontròl. Sinembargo, tin hopi kos ku nos por kontrolá. Nos ta pone nos prioridatnan i ta determiná kon nos por usa nos energia, tempu, i medionan. Nos ta disidí kon nos lo trata otro. Nos ta skohe serka ken nos lo bai pa bèrdat i guia.
E stèmnan i preshon di e mundu ta atraktivo i numeroso. Pero muchu hopi di e stèmnan aki ta engañoso, seduktivo, i por trèk nos for di e kaminda di kombenio. Pa evitá kurason kibrá inevitabel ku ta sigui, mi ta roga boso awe pa kombatí e kosnan atraktivo di mundu dor di traha tempu pa Señor den bo bida—kada i tur dia.
Si mayoria informashon ku bo ta haña ta bini for di media sosial òf otro media, bo abilidat pa skucha e susuronan di e Spiritu lo bira ménos. Tambe si bo no ta buskando Señor pa medio di orashon i estudio di skritura diario, bo ta laga bo mes ta vulnerabel pa filosofianan ku por ta intrigante pero ku no ta bèrdat. Kada Sanntu ku normal ta fiel por wòrdu desviá pa e ritmo konstante di e banda di Babilonia.
Rumannan, mi ta roga boso pa traha tempu pa Señor! Hasi bo mes fundeshi spiritual firme i kapas pa soportá e tèst di tempu dor di hasi e kosnan ku ta pèrmití pa e Spiritu Santu ta semper huntu ku bo.
Nunka no balotá e bèrdat profundo ku e Spiritu ta papia di kosnan manera nan ta realmente ,i di kosnan manera nan realmente lo bira1 “E lo mustra boso tur loke boso tin ku hasi.”2
Nada no ta invitá e Spiritu mas ku drecha boso enfoke riba JesuCristu. Papia di Cristu, gosa den Cristu, alimentando boso ku e palabra di Cristo, i perseverá te na fin den Cristu.3 Hasi boso Sabat un dia di legria ora boso ta adorá E, partisipá di e Santa Sena, i mantené Su dia sagrado.4
Manera mi a enfatisá awe mainta, por fabor traha tempu pa Señor den Su kas santu. Nada lo no fortalesé bo fundeshi spiritual manera sirbishi i adorashon den tèmpel.
Nos ta grasisí tur ku ta trahando den nos tèmpelnan nobo. Nan ta wòrdu edifiká den henter e mundu. Awe mi ta komplasépa anunsiá nos plannan pa konstruí di mas tèmpel na òf serka di e siguiente lugánan: Kaohsiung, Taiwan; Tacloban, Filipinas; Monrovia, Liberia; Kananga, Repúblika Demikratiko diCongo; Antananarivo, Madagascar; Culiacán, Mexico; Vitória, Brazil; La Paz, Bolivia; Santiago West, Chile; Fort Worth, Texas; Cody, Wyoming; Rexburg North, Idaho; Heber Valley, Utah; i rekonstrukston di e tèmpel di Provo Utah despues ku e tèmpel di Orem Utah wòrdu dediká
Mi ta stima boso, kerido rumannan. Señor konosé bo i ta stima bo. E ta bo Salbador i Redentor. E ta guia Su Iglesia. E lo guia bo den bo bida personal si bo ke traha tempu pa E den bo bida—kada i tur dia.
Ku Dios lo ta ku bo te ora nos topa atrobe, mi ta pidi di JesuCristu, amèn.