Direkta sa Punto

Unsa man ang atong nahibaloan bahin ni Jose, ang bana ni Maria?

Ania ang gisulti kanato sa mga kasulatan mahitungod ni Jose, kinsa mao ang bana ni Maria.

• Kaliwat siya ni David (tan-awa sa Mateo 1:1–16, 20; Lucas 2:4; 3:23–38) ug nagpuyo sa Nazaret (tan-awa sa Mateo 2:19–23).

• Siya ug si Maria gitakda nga maminyo sa dihang siya nasayod nga mamahimo siyang inahan ni Jesus, ang Anak sa Dios (tan-awa sa Mateo 1:18).

• Siya usa ka panday (tan-awa sa Mateo 13:55).

• Siya “usa ka tawo nga matarong” (tan-awa sa Mateo 1:19).

• Sa dihang iyang nahibaloan nga nagsabak si Maria, gusto niya nga luwason siya sa kaulaw ug kaulawan sa publiko (tan-awa sa Mateo 1:19–20).

• Ang Dios nakigsulti kaniya pinaagi sa damgo labing menos upat ka higayon: (1) gisultihan siya sa usa ka anghel nga si Maria nagsabak sa Anak sa Dios (tan-awa sa Mateo 1:20–21), (2) gipasidan-an siya sa usa ka anghel nga mokagiw uban sa iyang pamilya ngadto sa Ehipto (tan-awa sa Mateo 2:13), (3) usa ka anghel misulti kaniya sa pagbalik ngadto sa Israel (tan-awa sa Mateo 2:19–20), ug (4) siya gipasidan-an sa dili pag-adto sa Judea sa dihang siya nakabalik (tan-awa sa Mateo 2:22).

• Miadto siya sa Betlehem aron sa pagbuhis, gidala si Maria uban kaniya, ug didto siya sa dihang natawo ang Manluluwas (tan-awa sa Lucas 2:1–7, 16).

• Dili siya ang tinuod nga amahan ni Jesukristo, apan ang batang si Jesus masinugtanon kaniya sama nga siya ang tinuod nga amahan (tan-awa sa Lucas 2:48, 51).

• Ingon og si Maria adunay labing menos upat ka anak nga lalaki, ingon man mga anak nga babaye (tan-awa sa Mateo 13:55–56).

• Lagmit namatay siya human si Jesus nag-edad og 12 anyos ug sa wala pa ang Paglansang sa Krus (tan-awa sa Lucas 2:42–52; Juan 19:25–27).