Pakigkonektar
Luke P.
17, County Down, Northern Ireland
Litrato pinaagi ni Nathan Reid
Ang pag-eskwela mao kanunay ang usa sa akong dako nga mga pagsulay. Apan mihimo ko og tumong sa miaging tuig nga maningkamot nga mahimong malipayon kon posible sa eskwelahan. Sa sinugdanan, lisod kaayo kini. Apan samtang ako nagbasa sa Basahon ni Mormon, samtang nagpadayon ko sa pag-adto sa seminary, nahimo akong mas malipayon ug mas maayo nga tawo.
Ang pagkab-ot sa usa ka butang nga maayo kasagaran dili sayon. Kasagaran kinahanglan ka nga makigbisog og gamay, sama sa gihimo ni Jesukristo. Mao nga gibati nako nga kon mas daghan ang imong pakigbisog, mas mahimo ka nga sama ni Kristo. Ako nagtuo nga ang Manluluwas gusto nga ikaw mosulay sa pagkab-ot og dugang ug maghimo og mas maayo samtang ikaw makasinati og mga hagit.
Nahigugma ko ni Jesukristo tungod sa mga butang nga Iyang gihimo alang kanako. Atol sa Iyang kinabuhi dinhi sa kalibotan, usa unta Siya ka hari. Napahunong unta niya si bisan kinsa nga wala motahod Kaniya. Apan wala Niya buhata, tungod kanato—tungod kay Siya nahigugma kanato. Kini nakapahimo nako nga gustong makakab-ot pa og dugang, tungod Kaniya.