Kom, fylg mér – Verkefni

Fyrir heimiliskvöld eða ritningarnám – eða bara til ánægju!

1.–7. janúar

Vitnisburður ykkar

Alt text

Myndskreyting: Katy Dockrill

Fyrir kynningarsíður Mormónsbókar

Mormónsbók var fyrst skrifuð á gulltöflur. Fólkið sem sá töflurnar skrifuðu að það vissi að þær væru sannar (sjá Vitnisburð þriggja vitna og Vitnisburð átta vitna). Skrifið eða teiknið eigin vitnisburð um Mormónsbók og setjið hann í ritningarnar ykkar.

Fyrir yngri börn: Byggið turn saman. Talið um það hvernig við byggjum vitnisburð um himneskan föður og Jesú Krist einn bút í einu.

8.–14. janúar

Miðla fjársjóði

alt text

Fyrir 1. Nefí 1–5

Ritningarnar eru dýrmætur fjársjóður (sjá 1. Nefí 5:21). Teiknið útlínur gimsteina á pappír og klippið út. Biðjið hvern og einn um að skrifa vers úr Mormónsbók á gimsteinana. Blandið gimsteinunum saman og skiptist á að velja einn og lesa ritningarversið.

Fyrir yngri börn: Hafið sýnikennslu með eftirlætisleikföngum eða bókum barna ykkar. Segið þeim að þau geti gert ritningarnar að uppáhaldi með því að hlusta á þær og læra sögurnar í þeim.

15.–21. janúar

Skýrar og dýrmætar töflur

alt text

Fyrir 1. Nefí 6–10

Drottinn sagði Lehí að gera annað sett af töflum í sérstökum og viturlegum tilgangi (sjá 1. Nefí 9). Gerið ykkar eigin töflur úr samanbrotnum pappír eða pappabútum. (Þið getið jafnvel vafið pappír ykkar eða pappa í álþynnu!) Skrifið eða teiknið það sem þið lærið úr Mormónsbók á töflurnar ykkar.

Fyrir yngri börn: Syngið lagið „Nefí hinn hugdjarfi“ á síðu 13. Í hvert sinn sem þið syngið orðin „fer“ eða „geri“, hoppið þá!

22.–28. janúar

Elska Guðs

alt text

Fyrir 1. Nefí 11–15

Lesið ritningarsöguna um draum Lehís á síðu 26. Teiknið nú tré. Látið hvern fjölskyldumeðlim bæta við laufi á tréð og segja eitthvað eitt sem himneskur faðir hefur gefið okkur til að sýna okkur að hann elskar okkur.

Fyrir yngri börn: Elska himnesks föður er eins og ljós í myrkrinu. Slökkvið ljósin og setjið lítið ljós í einn enda herbergisins. Gangið í áttina að því með börnum ykkar.