« ព្រះយេស៊ូវបានសុំឲ្យយើងចែកចាយដំណឹងល្អ » ប្រិយមិត្ត ខែ កក្កដា ឆ្នាំ ២០២៣ ទំព័រ ២៤–២៥ ។
ដំណើររឿងអំពីព្រះយេស៊ូវ
ព្រះយេស៊ូវបានសុំយើងឲ្យចែកចាយដំណឹងល្អ
សូមហែកទំព័រនេះចេញ ហើយបត់វាជាពីរ ។ បន្ទាប់មកសូមលើករូបភាពឡើងនៅពេលអ្នកនិទានរឿងនោះ ។
បន្ទាប់ពីទ្រង់បានមានព្រះជន្មឡើងវិញ ព្រះយេស៊ូវបានយាងទៅជួបពួកសាវករបស់ទ្រង់ ។ ទ្រង់បានប្រទានត្រី និងនំប៉័ងដល់ពួកគេបរិភោគ ។
ព្រះយេស៊ូវបានសួរទៅពេត្រុសថា « តើអ្នកស្រឡាញ់ខ្ញុំឬអី ? »
ពេត្រុសបានឆ្លើយថា ព្រះករុណាវិសេស ។ រួចព្រះយេស៊ូវបានមានបន្ទូលថា « ចូរឲ្យចំណីដល់កូនចៀមខ្ញុំស៊ីផង » ។
ព្រះយេស៊ូវបានសួរទៅពេត្រុស ពីរដងទៀត ។ « តើអ្នកស្រឡាញ់ខ្ញុំឬអី ? »
ពេត្រុសបានឆ្លើយថា ព្រះករុណាវិសេសទាំងពីរដង ។ ហើយទាំងពីរលើកនោះ ព្រះយេស៊ូវបានមានបន្ទូលថា « ចូរឲ្យចំណីដល់ហ្វូងចៀមខ្ញុំស៊ីផង » ។
ពេត្រុសបានស្វែងយល់ថា ព្រះយេស៊ូវបានសុំលោកឲ្យចែកចាយដំណឹងល្អ ។ ព្រះយេស៊ូវគឺជាអ្នកគង្វាល ហើយពួកយើងគឺជាចៀមរបស់ទ្រង់ ។
យើងអាចបង្ហាញសេចក្ដីស្រឡាញ់របស់យើងចំពោះព្រះយេស៊ូវ ដោយការជួយអ្នកដទៃឲ្យរៀនពីទ្រង់ ហើយដើរតាមទ្រង់ ។